熱氣球

熱氣球喺中國已經有好耐歷史，嗌做天燈或孔明燈，知名學者李約瑟亦指出，西元1241年蒙古人曾經喺李格尼茲（Liegnitz）戰役入便用過龍形天燈傳遞信號。法國嘅孟格菲兄弟喺1783年先至向空中釋放歐洲第一隻內充熱空氣嘅氣球。

熱氣球慢起慢落，一般相信係安全嘅，不過超載、氣球皮料老化、遇風切變、燃料漏氣、或者俾外物鈎到都會失事。[1]

 

維基同享有多媒體嘅嘢：
Hot air balloons

最早嘅熱氣球天燈喺公元2或3世紀喺中國發明，用做傳遞軍事信號。

18世紀，法國造紙商孟格菲兄弟重新發明咗氣球。因受碎紙屑喺火爐中不斷升起嘅啟發，用紙袋聚集熱氣做實驗，令到紙袋能夠隨住氣流不斷上升。

1783年6月4號，孟格菲兄弟喺里昂安諾內廣場做公開表演，一個圓周110英尺嘅模擬氣球升起，飛咗1.5英里。

同年9月19號，喺巴黎凡爾賽宮前，孟格菲兄弟為國王、王后、宮廷大臣同埋13萬巴黎市民做咗熱氣球嘅升空表演。

同年11月21號下晝，孟格菲兄弟又喺巴黎穆埃特堡做咗世界上第一次載人空中航行，熱氣球飛咗二十五分鐘，喺飛越半個巴黎之後降落喺意大利廣場近鄰。呢次飛行比萊特兄弟嘅飛機飛行早咗成120年。

第二次世界大戰以後，高科技令到球皮材料同埋致熱燃料得到普及，熱氣球成為唔受地點約束、操作簡單而方便嘅公眾體育項目。

1980年代，西方嘅熱氣球引入中國。1982年美國著名刊物《福布斯》雜誌創始人福布斯先生揸住熱氣球、電單車旅遊嚟到中國，自延安到北京，完成咗揸熱氣球飛臨世界每個國家嘅願望。

熱氣球作為一個體育項目日趨普及，佢曾創造上升34668米高嘅記錄。1978年8月11至17號，「雙鷹3號」成功飛越大西洋，1981年「雙鷹5號」又成功跨越太平洋。