棘龍

棘龍
最新嘅外觀同水棲型態嘅復原圖
物種分類
界 動物界 Animalia 門 脊索動物門 Chordata 綱 蜥形綱 Sauropsida 目 蜥臀目 Saurischia 亞目 (Subordo): 獸腳亞目 Therapoda 科 棘龍科 Spinosauridae 屬 棘龍屬 Spinosaurus Stromer, 1915 種 埃及棘龍 S. aegyptiacus Stromer, 1915

近年研究指出，棘龍唔單只會捉魚食，而且其實係水陸兩棲嘅恐龍，生活喺河入面（類似現今嘅鱷魚同河馬）同淺水處（類似現今嘅鷺鳥等涉禽），擅於游水。

• 埃及棘龍（Spinosaurus aegyptiacus）

水棲恐龍嘅特徵

棘龍有窄長嘅顎骨同圓錐形嘅牙，同鱷魚非常相似，所以科學家認為棘龍以魚為主食。

棘龍科同其他獸腳類恐龍一樣，可以喺游水嘅同時，保持將頭部突出水面呼吸。而棘龍科好似鳥類噉擁有中空骨骼同氣囊系統，令體型龐大嘅佢哋可以浮喺水面。

棘龍嘅頭蓋骨嘅形狀，同位於頭蓋骨較高位置嘅眼窩都顯示，佢哋同鱷魚、河馬等等一樣，比較似半水棲動物。喺白堊紀早期，喺北非至少有兩種棘龍科恐龍發展出水棲特徵，同進佔淡水生態嘅頂級獵食者嘅位置，呢個可能同喺佢哋之前大型鱷類嘅滅絕而騰出咗生態位有關。

根據2020年發表嘅最新研究結果，新發掘出嚟嘅完整尾部化石埋同埋模擬比對顯示，棘龍條尾嘅尾椎有特別高身嘅上、下支柱，呈類似尾鰭嘅槳狀，可以強力噉左右擺動，喺水入面推進，就好似現存嘅水生動物（例如蠑螈）噉。

科學家分析棘龍化石裏面嘅氧同位素構成，亦都發現比起其他大型陸上獸腳類恐龍，佢哋更加似鱷魚、龜等嘅水陸兩棲型動物。

總總特徵都顯示出，棘龍平時有大量時間係生活喺水裏面，同其他陸上大型食肉恐龍各自佔據唔同嘅地盤同生態位。