柯士甸站(粵拼:o1 si6 din1 zaam6;英文:Austin Station)喺香港屯馬綫一個鐵路站,喺尖沙咀柯士甸道西8號,廣東道、同匯民道一帶,好近西九龍文娛藝術區。個站係九龍南綫(西鐵綫嘅延伸段)一部分,喺2008年4月30號平頂。
柯士甸站1號月台 | |
站名 | |
中文名 | 柯士甸站 |
英文名 | Austin Station |
站代碼 | AUS |
基本資訊 | |
車站色 | 白色/淺啡色/淺灰色 |
途經路線 | 屯馬綫 |
站服務時間 | 0547-0046 尾班車時間 |
車站結構 | |
站類 | 地底 |
月台類 | 1島式月台 |
月台數 | 2 |
出口數 | 13 |
其它設施 | 其它無障礙設施 |
地圖 | |
個站設有行人天橋駁去佐敦道行人天橋,重可以去埋西面嘅港鐵九龍站同埋佢啲上蓋物業,以及佐敦道行人隧道。柯士甸站來回其他站嘅票價同九龍站一樣。
雖然本站位置上好近九龍站,但九龍站同本站並非東涌綫同埋屯馬綫正式嘅轉車站,如果乘客喺兩站之間轉車,無論用八達通定係單程車票,都當兩程車處理,並要畀再入閘收費;乘客要喺南昌站轉車先可以有再入閘收費調減。不過港鐵安排機場快綫嘅「免費港鐵接駁服務」擴展至九龍站同本站之間,乘客可以由本站出閘後經B5出口行去九龍站。
呢版要更新,以反映最新情況。加完料之後唔該拎走個模。 |
柯士甸站預留咗30幾個舖位出租。不過喺車站啱啱開,只租出一個自動櫃員機位同埋喺大堂設有自動售賣機服務,大部份鋪位重係空置。港鐵話,等站裏頭嘅人流評估之後啲鋪先會招租,但係未定幾時。
各車站出口駁位佐敦道行人天橋、佐敦道行人隧道、柯士甸道西行人隧道同匯民道。
屯馬綫 | ||
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 |
屯馬綫 | ||
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 |
東涌綫 | ||
香港 - 九龍 - 奧運 - 南昌 - 荔景 - 青衣 - 欣澳 - 東涌 |
機場快綫 | ||
香港 - 九龍 - 青衣 - 機場 - 博覽館 |
柯士甸站位於香港九龍油尖旺區西九龍尖沙咀匯民道,附近只設有大型購物商場圓方、高級豪宅、W Hotel酒店、港鐵九龍站及港鐵佐敦站。因此,大部份使用本站嘅人流都係轉車嘅乘客、住喺鄰近屋苑嘅居民或鄰近酒店住客。所以,除咗返放繁忙時間之外,出入閘人流只屬一般。港鐵話,截至首日啟用下晝5點前,柯士甸站有6,500人次使用。隨著接駁巴士線K16永久停駛,同埋匯翔道巴士總站搬遷後,由中港城一帶去新界西,柯士甸站變成獨市位,所以人流已經有所上升。
自2005年8月29號朝早起,《am730》喺西鐵綫(朗屏站除外)各站免費派發,但直至2009年8月23號,重未包括本站。
呢個站原本叫「九龍西站」 同廣深港高鐵將來嘅西九龍總站相近,所以有關方面決定重新幫呢個站改名。
根據港鐵網站,喺2008年9月嘅工程簡介,呢個站已經改咗名做「柯士甸站」,英文就係「Austin Station」。雖然有人認為,柯士甸道都幾長,用柯士甸呢個名唔及得用「佐敦西站」、「官涌站」(官涌係佐敦嘅古稱)及「渡船角站」好,但港鐵話唔考慮再改名。
上一站 | 港鐵 | 下一站 | ||
---|---|---|---|---|
往屯門 | 屯馬綫 | 往烏溪沙 |
月台 | 方向 | 列車班次(分鐘) | 頭班車 | 尾班車 | |||||
---|---|---|---|---|---|---|---|---|---|
平日上晝 繁忙時段 | 平日下晝 繁忙時段 | 星期六上晝 繁忙時段 | 星期六下晝 繁忙時段 | 星期六 非繁忙時段 | 平日非繁忙時段/ 星期日及公眾假期 | ||||
This article uses material from the Wikipedia 粵語 article 柯士甸站, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.