東漢,又叫後漢,係中國歷史嘅一個朝代。25年漢光武帝劉秀重建漢朝,定都洛陽。
東漢係喺劉秀推翻咗王莽之後建立嘅,本身喺漢朝嘅延續。漢光武帝之後,漢明帝同章帝亦有政績。呢段時期政治清明,經濟繁榮,係東漢全盛時期,史稱「明章之治」。但之後嗰段日子(由漢和帝、漢安帝開始),東漢都係俾宦官、外戚輪流控制住,皇帝又短命,除咗漢和帝係明君之外,有啲甚至俾人鬧(例如漢安帝、漢順帝、漢桓帝、漢靈帝)。而更重要嘅係地方農田繼續俾世家大族控制住,中央收唔到稅。最後到咗漢獻帝(山陽公)嗰陣,地方俾曹操、劉備、孫權等等割據。最後喺公元220年,曹操個仔曹丕篡咗漢獻帝嘅帝位,東漢滅亡。
This article uses material from the Wikipedia 粵語 article 東漢, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.