八三一太子站事件

事後有傳有人喺事件中死咗，就算特區政府、警務處同埋醫院管理局聲稱冇噉嘅事，都重有大把人對「八三一打死人」嘅傳聞深信不疑，同埋連續多日喺太子站外搞悼念活動。政府及港鐵雖然受到民間嘅輿論及訴訟施壓，但係始終拒絶畀人哋睇閉路電視影片，而只係揀咗少量定格畫面嚟公開；唔少大眾因此認為，冇公開嘅畫面確實記錄咗殺人過程。

同年10月底，香港民意研究所同香港中文大學分別都就「八三一打死人」嘅傳聞做過調查：前者結果顯示有48%受訪者「好贊成」或者「幾贊成」有死過人嘅講法；後者結果顯示有52%受訪者認為有死過人嘅講法「絕對真確」或者「應該真確」。

同年11月底，民間網媒傳真社事後訪問過當晚47名被捕者，包括6名網傳「遇害」者，同時透過其他被捕者互相核證說話內容，證實所謂「死者」都係响清醒狀態下被送去醫院或者警署。傳真社同時發現，事件發生三個月以嚟，警方回覆傳真社嘅被捕人數同傷者人依然次次都有出入。

2021年國安教育日小學生玩具槍風波

喺2021年國安教育日，香港警察學院開放咗一啲場地俾公眾參觀，其中喺模擬港鐵車廂嘅場地入面，有小學生被影到用玩具槍指住其他同學，事件引起公眾嘩然，有媒體形容當時嘅情況就好似重演八三一太子站恐怖襲擊事件咁樣。資深傳媒人區家麟形容事件係震撼教育，八仙嶺大火倖存者張潤衡亦批評事件離譜，提及喺氣槍射擊訓練入面，學員會被教導接觸槍枝之前，就算係玩具槍都唔可以用來指住人，就算小學生無心，但在旁嘅警察亦應該阻止。但警察並無咁做，質疑警察係無知定係殺戮成性。

呢件事引起全球唔少關注，當中警察襲擊市民嘅片段喺唔少演藝作品都有收錄，例如電影《香港本色》同埋方皓玟歌曲《人話》嘅MV。

• 人大八三一五周年示威活動
• 七二一元朗襲擊