中國南方航空

佢係世界上乘客量第六多嘅航空公司，亦係亞洲飛機同乘客量最多嘅航空公司。佢嘅機隊由422架飛機組成，機隊由廣州白雲國際機場同北京首都國際機場飛去總共121個目的地。

 

南方航空嘅前身係1950年成立嘅軍委民航廣州辦事處，佢喺1959年改作民航廣州管理局。響1988年，中國民航局進行咗業務重組，民航廣州管理局管轄嘅中國南方航空亦喺1991年掛牌成立。由嗰陣時起，中國南方航空公司就急速發展，好快就做咗中國航空公司「三巨頭」嘅其中一個（另外兩個係中國國際航空公司同埋中國東方航空集團公司）。

1996年，南航開通咗首條洲際航線，由廣州經由北京至阿姆斯特丹，次年重開通咗由廣州跨太平洋直飛洛杉磯嘅航線。南航響2000年至2002年先後併購咗中原航空、新疆航空、中國北方航空。南方航空喺2007年11月15號成為天合聯盟（SkyTeam）嘅成員。

響2010年，中國南方航空公司載咗7650萬乘客，滿載率有79.2%。公司響2010年嘅利潤係58億人民幣（8.83億美金）。

2018年11月15號，中國南方航空有限公司宣佈會喺2019年1月1號退出天合聯盟。

南航嘅業務遍及全球169個國家同地區，樞紐喺廣州、北京同烏魯木齊，重喺鄭州、瀋陽、重慶、貴陽等地設立重點機場。南航亦係往返大洋洲班次最密集嘅中國內地航空公司。