Iyán: Iyan je onje okele ti ama n fi isu gun pelu obe adidun ti ibile nje

Iṣu funfun ló dára jù fún iyán gúngún. A lè fi iyán jẹ ọbẹ̀ ẹ̀fọ́, ẹ̀gúsí tàbí ilá. Gbogbo ilẹ̀ Yorùbá ni wọ́n tí máa ń jẹ iyán ṣùgbọ́n iyán jíjẹ wọ́pọ̀ jùlọ láàárín àwọn Ìjẹ̀ṣà, Òndó àti Èkìtì.

• Ẹ̀bà
• Àmàlà

Iṣu ni ọba èròjà tí wọ́n máa ń fi gúnyán. Lẹ́yìn iṣu, a nílò odó, ó orí-odó àti omi.

• A yóò bẹ iṣu
• A yóò fọ iṣu náà tónítóní
• À yóò dáná láti se iṣu
• A yóò bu omi ní ìwọ̀nba tí ó lè se iṣu náà jiná sínú ìkòkò tàbí apẹ tí a fẹ́ fi se iṣu náà
• A yóò kó iṣu tí a ti fọ̀ ní àfọ̀mọ́ sínú ìkòkò tí a gbé kaná
• A yóò se iṣu náà títí yóò fi jiná dáradára.
• Lẹ́yìn tí iṣu bá ti jiná, a yóò wà á sínú odó tí a ti fọ̀ kalẹ̀.
• A yóò wá fi omorí odó fi gún un títí yóò fi lẹ̀ dáadáa.
• A yóò wá kọ ọ́ sínú abọ́ tàbí àwo tó mọ́ tónítóní fún jíjẹ.

Yorùbá bọ̀, wọ́n ní, "Iyán loúnjẹ, ọ̀kà logùn, àìrí rárá là ń jẹ̀kọ" Yorùbá gbádùn iyán púpọ̀, oríṣiríṣi ọbẹ̀ ni wọ́n fi ń jẹ iyán. Àwọn ni;

• Ọbẹ̀ ẹ̀fọ́
• Ọbẹ̀ ègúsí
• Ọbẹ̀ àpọ̀n
• Ọbẹ̀ ata díndín
• Ọbẹ̀ ilá abbl.