Инженер
Инженер — фахман з дипломов высшой техничной школы.
.jpg)
| „ | Инженер е ученый будователь, але не обываных хыж (бо то не архитектор), лем иншых розличных конштрукций: военный инженер будуе конштрукции, назначены про облѣганя або оборону твердынь, цивилный дорожный инженер будуе дорогы, мосты и перевозы, инженер банництва будуе банѣ, инженер корабелный — кораблѣ, инженер-механик — машины. Инженерска робота называть ся инженерством, або инженерным умѣньом. | ” |
| В. И. Даль | ||
История
Слово инженер походить од латинского ingenerare — створьовати. До нас дожили створены непознатыма старовѣкыма инженерами египетскы пирамиды и римскый аквадукт. В середновѣку вызначный малярь Леонардо да Винчи быв и талантованым инженером, автором множества техничных идей и вынаходох, выпрацовав проекты лѣтаючых апаратох, подводного скафандра, воздушного вентилатора, вертачкы, контактных сочок и многых другых хосенных пристройох.
Ачей первый дипломованый инженер меджи Русинами в минулости быв банскый инженер Адолф Добрянскый (1817 – 1901), а еще скорше, под роком 1783 Гукливскый лѣтопис зазначив, же «мѣрялникы першый раз помѣряли Верховину», циже днешным языком: инженеры-геодеты змѣряли Верховинскый вододѣл и зготовили первы мапы.
Инженеры в сучасности
Днесь професия инженера выжадана на торгу праци, а прото ся инженерство роздѣлять на множество конари, меджи котрыма ся объявлюють цѣлком новы як биохемичный, информачный, компютерный, технологии потравин.
Професию инженера мали бы собѣ выберати люде вынаходливы, з аналитичным способом думаня и математичным наданьом.
Инженер може собѣ найти роботу в трьох цѣлком окремых сферах инженерства:
- выгледованя, моделованя, конштрукция и дизайн новых выробкох;
- продукция, технология, програмованя продукчных линий, роботох;
- менаджерство, режия, анализа жадань торга и реагованя на них.
Жерела и одказы
- Ralph J. Smith. Engineering, science (по англицкы). Encyclopaedia Britannica. https://www.britannica.com/technology/engineering. [перевірено 2019-05-29].
- Горбунова М.В., Кирилюк Е.В. (2010). ВВЕДЕНИЕ В ПРОФЕССИЮ «ИНЖЕНЕР» (по русскы). //333 современные профессии и специальности: 111 информационных профессиограмм (2 ed.). Ростов на Дону: Феникс. pp. 117–147. ISBN 978-5-222-17762-4.
- В. И. Даль. ИНЖЕНЕР. //Толковый словарь живаго великорусскаго языка (по русскы). http://poiskslov.com/word/инженер/. [перевірено 2019-05-29].
- Инженер, описание профессии (по русскы). Мое образование (выбор профессии). https://moeobrazovanie.ru/professions_inzhener.html. [перевірено 2019-05-29].
Референции
This article uses material from the Wikipedia Русиньскый article Инженер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.