Вынаходник

Вынаходник вытворюе то, што перед тым нигда не екзистовало.

Хоть вынаходництво е часто звязане з науков або инженерством, вынаходник не мусить быти ани ученый, ани инженер. Але во своих гледанях хоснуе дашто и од едного и од другого, а в практицѣ тоты зналости суть часто переплетены. Напримѣр, Томас Едисон зробив научне одкрытя, же роспечена угляна нитка вызарюе свѣтло, але потребовав еще вельо инженерской вытырвалости и вынаходливости, скорше як тоту нитку умѣстив до склянкы з вакуумом и так вынайшов електричну грушку, жарову лампу.

Право автора вынахода засвѣдчуе патент, котрый ся выдавать на ограничену добу. Тоты добы зависять од предмета и характера вынахода, и сферы поуживаня патента. В той добѣ автор може продавати право выхоснованя свого вынахода, чим ся стимулуе вынаходництво. Само право авторства е неодъемне и вѣчне. Кедь вынаход быв учиненый наслѣдком повнѣня служебных повинностей, право на патент мать роботодатель, котрый выплачуе вынаходникови одмѣну, што наперед ся вызначуе працьовным договором.

• Новіков В. М.: Винахідник. //Юридична енциклопедія : [в 6-ти т.] / ред. кол. Ю. С. Шемшученко (відп. ред.) [та ін.] — К. : Українська енциклопедія ім. М. П. Бажана, 1998—2004. — 672—768 с. — ISBN 966-7492-00-1

Новіков В. М.. Винахідник. Українська енциклопедія ім. М. П. Бажана. http://cyclop.com.ua/content/view/995/58/1/10/#16614. [перевірено 2019-05-28]. 

• Inventor (по англицкы). Encyclopaedia Britannica. https://www.britannica.com/topic/inventor. [перевірено 2019-05-28]. 

 

Вікісклад має мултімедіалны дата на тему:

Вынаходник