სმიტა პატილი (ინგლ.
17 გჷმათუთა 1955 — ღ. 13 ქირსეთუთა 1986) — ინდოარი არტისტი, ნამუქჷთ მუში 13-წანიანი კარიერას 77 ფილმს გინიღჷ. 1985 წანას, შანულობაშ მეჯინათ ინდოეთიშ ომენოღალე მაანთხა ჯილდოთ — პადმა შრით დაჯილდეს. ერუანული კინოპრემიაშ ჟირზა ლაურეატი დო Filmfare Awards საუჯგუშო ოსურიშ როლიშ გეშა. სმიტა პატილქ 1986 წანაშ 13 ქირსეთუთას, მშობიარობაშ უკულიანი გორთულაფაშ შედეგო დოღურჷ.
სმიტა პატილი ინგლ. Smita Patil | |
დაბადებაშ აბანი | პუნა, ბომბეი, ინდოეთი |
დებადჷ | 17 გჷმათუთა, 1955 |
ღურჷ | ქირსეთუთა 13, 1986 (31 წანერი) ბომბეი, ინდოეთი |
საქვარუა | არტისტი |
აკოქიმინჯალაშ წანეფი | 1974 — 1986 |
ალმასქუ(ეფი) | რაჯ ბაბარი |
ოხორინალი აბანი | ბომბეი |
შხვა ჯილდოეფი | |
---|---|
Filmfare Awards საუჯგუშო ოსურიშ როლიშ გეშა (1982) |
სმიტა პატილქ დებადჷ პუნას, პოლიტიკოსიშ ფანიას, ოშქაშე სკოლა მარათულ ნინაშა ათუ. 1977 წანას, პუნას კინოშ დო ტელევიზიაშ ინსტიტუტი ათუ. პატილი აქტიურო გიშმეშჷ ოსურეფიშ ნებეფიშ გეშა; ფილმეფს თიში როლიშ გერგეზეფი ქომოლური დო დუდიშულეფი რდეს. თინა ხვალე ჰინდინინამ ფილმეფს ვალაჸაფენდჷნ, თაშნეშე გუჯარათულშა, მარათულშა დო ინდოეთიშ შხვა ნინეფშა. ფილმეფი „ჭითა ზაფანა“ (Mirch Masala), „სხაპი, სხაპი“ დო შხვა მუსხირენქ არტისტიშ ღურაშ უკული გიშართჷ კინოგაქირებაშა.
ინდური ვაოთარობე ორგანიზაცია Priyadarshni Academy-ქ სმიტა პატილიშ ღურაშ უკული, მიშეღჷ არტისტიშ ჯოხოდვალაშ პრემია კინოინდუსტრიაშა თიაშ მიშაღალაშ გეშა. დუდმაარაშე პრემიას ირწანას გინმოჩანდეს, მორო 1994 წანაშე ჟირ წანაშე ართშა გინმიჩამუ. 2012 წანას, თე პრემიაშ ლაურეატო გჷნირთჷ დიპიკა პადუკონექ.
სმიტა პატილიშ ქომოლსკუა, პრატიკ ბაბარი, 2008 წანაშე გინმიღალუაფუ ფილმეფს დო მუამუშის ალურე პოლიტიკურ საქვარეფს, ნამუთ ჸოფილი არტისტი დო მოქიმინჯე პარლამენტარი რე — რაჯ ბაბარი.
This article uses material from the Wikipedia მარგალური (Margaluri) article სმიტა პატილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.