ჰიმაჩალ-პრადეში (ჰინ.
हिमाचल प्रदेश, ოფა: ɦɪmaːtʃəl prəd̪eːʃ ; ინგლ. Himachal Pradesh) — შტატი (1971 წანაშე) ინდოეთიშ ოორუეშე. მახორობა 6 856 509 ადამიერი (2011). ფართობი 55 673 კმ². ნანანოღა — შიმლა (სიმლა). ჰინდიშე გჷნოთანგუათ "ჰიმაჩალი" შანენს "თირამი გვალეფიშ ქიანას", "პრადეში" — "ოლქის, რეგიონს". უხურგანს გეჸვენჯ შტატეფს: ჯამუ დო ქაშმირი (ოორუეშე), პენჯაბი (ბჟაედალშე დო ობჟათე-ბჟადალშე), ჰარიანა დო უტარ-პრადეში (ობჟათეშე), უტარაკჰანდი (ობჟათე-ბჟაეიოლშე) დო ჩინეთიშ აკოდგინალუაშა მიშმალი ტიბეტი (ბჟაეიოლშე).
ქიანა | ინდოეთი |
სტატუსი | შტატი |
ადმინ. ცენტრი | შიმლა |
შხუ ნოღა | შიმლა |
მადუდე | გუბერნატორი: კალიან სინგჰი თარი მინისტრი: ვირბჰადრა სინგჰი |
ოფიც. ნინეფი | ჰინდი, პაჰარი |
მახორობა (2011) | 6 856 509 (21-ა აბანი) |
მეჭედალა | 123,16 კოჩი/კმ² |
ფართობი | 55 673 კმ² (17-ა აბანი) |
ბორჯიშ ორტყაფუ | +5:30 |
აბრევიატურა | IN-HP |
კოდი ISO 3166-2 | IN-HP |
ოფიციალური ვებ-ხასჷლა | |
Himachal Pradesh |
საირქიანო კარაკანალაშ 2005 წანაშ რკუალაშ მეჯინათ, ჰიმაჩალ-პრადეში მაჟირა მერკეთ კორუმპირაფილი შტატი რე, კერალაშ უკული.
ჰიმაჩალ-პრადეშის ბჟაეიოლშე უხურგანს ჩინეთი (ტიბეტიშ ავტონომიური რაიონი), ობჟათე-ბჟაეიოლშე - უტარაკჰანდი, ობჟათეშე - უტარ-პრადეში დო ჰარიანა, ობჟათე-ბჟადალშე - პენჯაბი, ოორუე-ბჟადალშე დო ოორუეშ - ჯამუ დო ქაშმირი. შტატიშ ოორუეშე ბჟაეიოლშა გჷნოზინდილი რე ჰიმალაეფიშ ქჷნდჷრეფი (შტატიშ გოხოლუას 6-7 ვითოში მეტრაშ სიმაღალაშ), ობჟათეშე — შივალიკიშ გვალაშ ჯაჭვი. შტატიშ თარი წყარმალუ — სატლეჯი (ინდიშ ნოჸელა). ჰიმაჩალ-პრადეში იდვალუაფუ ბჟადალ ჰიმალაეფს. იკენს 55 673 კმ² ფართობის. ჰიმაჩალ-პრადეში — გვალამი შტატი რე ზუღაშ დონეშ 350 მეტრაშე 6000 მეტრაშახ.
ჰიმალაიშე გიმმალი წყარმალუეფი გჷნმოჭკირუნა ედომუშამი გვალეფიშ ჯაჭვის. ჰიმაჩალ-პრადეშიშე გინმალი წყარმალუეფი ინმაკათუნა ინდი დო განგიშ ღანჩოს. შტატიშ ოწყარმალუე რშვილიშ სისტემაშა მიშმურს ჩანდრა-ბჰაგა ვარდა ჩენაბი, რავი, ბიასი, სატლეჯი დო ჯამუნა. თე წყარმალუეფი იშაყარუნა თირით დო ჭვემათ.
შტატი დორთილი რე 12 ოლქო. შტატიშ ნანანოღა — შიმლა, კინოხ ბრიტანეთიშ ინდოეთიშ საზარხულო ნანანოღა.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ჰიმაჩალ-პრადეში, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.