ჯულიან სეიმურ შვინგერი (ინგლ.
12 ფურთუთა, 1918, ნიუ-იორკი, ააშ — ღ. 16 კვირკვე, 1994, ლოს-ანჯელესი, კალიფორნია, ააშ) — ამერიკალი ფიზიკოსი, ნობელიშ პრემიაშ ლაურეატი ფიზიკას. უმოსო ხანდენდჷ კვანტურ ელექტროდინამიკას. შინელი რე პერტურბაციაშ თეორიათ დო კვანტურ ელექტროდინამიკაშ (კედ) რენორმალიზაციათ. მერჩქინელ რე XX ოშწანურაშ ართ-ართ უდიდაშ ფიზიკოსო.
ჯულიან სეიმურ შვინგერი | |
ინგლ. Julian Seymour Schwinger | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: | კვირკვე 16, 1994 (76 წანერი) |
ღურაშ აბანი: | ლოს-ანჯელესი, კალიფორნია, ააშ |
მენოღალობა: | |
ომენცარე სფერო: | |
სამუშაშ აბანი : | კალიფორნიაშ უნივერსიტეტი (ბერკლი) |
ალმა-მატერი: | სიტი-კოლეჯი |
ომენცარე ხემანჯღვერი: | |
ჯოხოშინელი მოგურაფეეფი: | რიჩარდ არნოუიტი |
ჯილდოეფი დო პრემიეფი: | ალბერტ აინშტაინიშ პრემია (1951) |
ჯულიან სეიმურ შვინგერქ დებადჷ 1918 წანაშ 12 ფურთუთას, ნიუ-იორკის, ურიეფიშ, ბენჯამინ დო ბელ შვინგერეფიშ ფანიას. ჯულიანი გურაფულენდჷ ტაუნსენდ ჰარისიშ სკოლას დო უკულ ნიუ-იორკიშ სიტი-კოლეჯის. სიტი-კოლეჯიშე გინორთჷ კოლუმბიაშ უნივერსიტეტიშა სოდეთ მიპალუ ბაკალავრიშ ხარისხი. კოლუმბიაშ უნივერსიტეტის 21 წანერ ჯულიან შვინგერქ, 1939 წანას, თხილუ ოდოქტორე დისერტაცია ისიდორ ისააკ რაბიშ ხემანჯღვერობათ. გურაფაშ თებაშ უკულ მუშენდჷ კალიფორნიაშ უნივერსიტეტის (ბერკლი) დო პერდიუშ უნივერსიტეტის. მაჟირა მოსოფელიშ ლჷმაშ ბორჯის შვინგერი მუშენდჷ მასაჩუსეტსიშ ტექნოლოგიაშ ინსტიტუტიშ რადიაციულ ლაბორატორიას, სოდეთ დიდი თია მიშეღჷ რადარიშ გოვითარაფაშა. ლჷმაშ თებაშ უკულ, შვინქერქ ქიდიტუ პერდიუშ უნივერსიტეტი დო გინილჷ ჰარვარდიშ უნივერსიტეტიშა, სოდეთ მუშენდჷ 1945-1974 წანეფს. შვინგერიშ ხემანჯღვერობათ თხილეს 73 ოდოქტორე დისერტაცია. შვინგერიშ სტუდენტეფიშე ოთხიქ მიპალუ ნობელიშ პრემია (როი გლაუბერი, ბენ როი მოტელსონი, შელდონ ლი გლეშოუ, ვალტერ კონი). 1965 წანას შვინგერს კვანტურ ელექტროდინამიკაშ გოვითარაფაშ გეშა გინოჩეს ნობელიშ პრემია (რიჩარდ ფეინმანი დო სინიტირო ტომონაგაწკჷმა ართო). 1951 წანას შვინგერქ მიპალუ ალბერტ აინშტაინიშ პრემია დო 1964 წანას მენცარობაშ ერუანული მენდალი.
ჯულიან შვინგერო რო რიჩარდ ფეინმანი კოლეგეფ რდეს, ნობელიშ პრემია ხოლო ართო მიპალეს. შვინგერი დო ფეინმანი კვანტურ ელექტროდინამიკას დო კვანტურ თეორიას ჭიჭე შხვადოშხვანერო ორწყედეს. შვინგერს ვამოწონდჷ ფეინმანიშ შინელი დიაგრამეფი დო თის მუშ სტუდენტს ვაგურუანდჷ.
ჯულიან შვინგერიშ ოსური რდჷ კლერის კეროლი. ჯულიან შვინგერქ ღურუ პანკრეასიშ კიბოთ, 1994 წანაშ 16 კვირკვეს, ლოს-ანჯელესის. ნთხორილი რე მაუნტ-ობერნიშ სასაფლას, მასაჩუსეტსის.
This article uses material from the Wikipedia მარგალური (Margaluri) article ჯულიან შვინგერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.