ჯაია
ჯაია (ინდო.
Jaya; ვარ-და პუნჩაკ-ჯაია) — ჯიშთი ინდონეზიას, კოკი ახალი გვინეაშ ბჟადალ ნორთის, სუდირმანიშ ქჷნდჷრს. ოკიანეთიშ უმაღალაში ჭურჭკ. სიმაღალა - 4884 მ. აკოგაფილი რე ულტრანერჩი მაგმური ქანეფით. 4500 მეტრიშ ჟილე ფორილი რე იროიანი თირით დო ჯიშთეფით, ნამუშეფიშ ედომუშამი ფართობი რე მეხოლაფირო 15 კმ². გეოლოგიური თოლწონუათ, იდვალუაფჷ ავსტრალიაშ ფინაქანიშ ფარგანეფს.
| ჯაია | ||
|---|---|---|
 | ||
| კოორდინატეფი: / | ||
| ორენი |  ინდონეზია | |
| სიმაღალა | 4884 | |
| ქჷნდჷრი | მაოკე | |
| მაართა ეშულა | 1962 | |
|
 | ||
მიოჰორჷ ნიდერლანდალ მეზუღე იან კარსტენიქ ნიშიშ ბორტიშე 1623 წანას. მოგვიანაფათ ჯიშთის თიში ჯოხოქ გიადჷ — კარსტენს-ტოპენი ანუ კარსტენსიშ გვალა. 1965 წანას ინდონეზიაშ პრეზიდენტიშ — აჰმედ სუკარნოშ პატიოჩამალო გიადვეს სუკარნო. 1969 წანაშე გიადჷ ასეიან ჯოხოქ - ჯაია, ნამუთ ქორთულ ნათანგას დოხოლადირო „გომორძგუაშ“ შანენს. კანკალეშა ჯიშთიშა თაშნეშე „კარსტენსიშ პირამიდა“ უჯოხონა.
ჯიშთიშ გოხოლუას იდვალუაფჷ მაღალგვალამი კარიერი გრასბერგი, სოიშა ეშმეღანა ორქოს, ვარჩხილს დო ლინჯკს. ჯაია მიშმურს ლორენციშ ერუანული პარკიშ აკოდგინალუაშა. კონკასშა მაართა ეშართეს 1962 წანას.
რესურსეფი ინტერნეტის
This article uses material from the Wikipedia მარგალური (Margaluri) article ჯაია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.