კონფუციანობა (ჩინური - 儒學, 儒学, ჟუსიუე) — ჩინარი ფილოსოფოსიშ კონფუციშ (კონფუციქ შილებე ითანგას მუჭო: „მაგურაფალი კუნი“, დ.551-ღ.478) გოჭყაფილი ეთიკურ-ფილოსოფური სისტემა.
თინა რე მორალიშ, სოციალური ნწყუალაშ, პოლიტიკაშ, ჩინური ფილოსოფიაშ დო რელიგიაშ კომპლექსური სისტემა. თის მუსხირენ ბჟაეიოლ ქიანას უღჷ ხუჯიშ მეჩამა სახენწჷფოშ ხუჯიშე, მუშ გეშა შილებე სახენწჷფო რელიგიათ ქიმიბრჩქინათჷნ.
კონფუციანობაშ გოფაჩუაშ თარი ქიანეფი რე: ჩინეთი, ტაივანი, კორეა, იაპონია, ვიეტნამი დო ქიანეფი სოდე დიდი რე ჩინური დიასპორა, სამანგათ სინგაპური. კონფუციანობას დოხოლაფირო 1.5 მილიარდი გემაჸვენჯი ჸუნს.
კონფუციანობაშ მეჯინათ, ადამიერს შეულებჷ გოუჯგუშაფა (გოფალუა) მუში ნძალეფიშ მობილიზაფათ, გჷშაკერძაფილო გაჩამუ გური მუშ დუდშა მუშით მეჯინას დო მუშით საქვარუას, დორხველი დუდიშე კოჩიშიქ იმუშუას მუშით გოფალუაშენ დო მუშით გაკეთას მუშ პერსონან. თიში თარი არზი რე, სათინოებაშ დო მორალიშ დოგაფილაფაშა მოჸონაფა. თინა მოუნჭირინუანს გემაჸვენჯეფს ქიშილებე ვარია თქუან რინაშა ხოლო თეს მორალური საღირალეფი ქოთხულენს-და.
This article uses material from the Wikipedia მარგალური (Margaluri) article კონფუციანობა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.