ფილმი ლოგანი

თინა რე რანწკით მავითა იქს-ადამიერეფიშ გეშა ფილმეფიშ სერიას, ხოლო, მუჭოთ მასუმა კვინორიშ გეშა ფილმეფს შქას. ფილმი, ნამუთ ათოტურაფილი რე მარკ მილარიშ დო სტივ მანნივენიშ „რჩინუ ლოგანით“, ოძირანს უმოსო ხანშამიშულირი კვინორიშ შარობუას კლონ ცირასქუა ლორა კინწკჷმა დო თინეფიშ ლჷმას უბადო ზენდერ რაისწკჷმა დო დონალდ პირსიწკჷმა.

ფილმიშ რეჟისორი რე ჯეიმზ მენგოლდი. თინა სკოტ ფრენკწკჷმა დო მაიკლ გრინწკჷმა ართო სცენარიშ ალმაჭარალი რე, ნამუთ ადაპტირებული რე მენგოლდიშ აკომუშებული ისტორიაწკჷმა. ჰიუ ჯეკმენი ეკონიათ არსულენს კვინორიშ (ნამუსით თინა თეიშა 17 წანაშ ასახიერენდჷ) როლს, პატრიკ სტიუარტი ჩარლზ ქსავიეშ როლს რე. შხვა როლეფს არსულენა ბოიდ ჰოლბრუკი, სტივენ მერჩანტი, რიჩარდ ე. გრანტი, დაფნი კინი (ოდებიუტე გჷმორჩქინა კინოეკრანს), ერიკ ლა სალი, ელიზა ნილი დო ელიზაბეთ როდრიგესი. გინოღალეფი უმოსო რდჷ ლუიზიანას 2016 წანაშ 2 მესიშე დო ითუ 19 მარაშინათუთას ნიუ-მექსიკოს. ფილმის უმოსო გინიღანდეს ლუიზიანას, ნიუ-მექსიკოს დო მისისიპის.

„ლოგანიშ“ პრემიერაქ იჸუ ბერლინიშ 67-ა საირქიანო კინოფესტივალს, 2017 წანაშ 17 ფურთუთას, კინოგაქირებას გიშართჷ 3 მელახის, სტანდარტულ დო IMAX-იშ ფორმატეფს. კრიტიკოსეფქ დო უმოსი მაჯინეეფქ თის ჯგირი ფასებეფი მეჩეს. „იქს-ადამიერეფიშ“ სერიას „ლოგანი“ ართ-ართი თანაფა მინულირო ფასებული ფილმი რე, ნამუსჷთ შხვადოშხვა კრიტიკოსიქ გიოდჷ არძა ბორჯიშ უდიდაში სუპერგერგეზული სურათი. მოსოფელიშ გაქირებას, 97 მილიონიანი ბიუჯეტით, ფილმიქ 616 მილიონი ააშ დოლარი დოშაყარჷ დო წანაშ მიშმალუამი ფილმეფს შქას მაჩხორა არდგილი დეკინჷ.

• ოფიციალური ვებ-ხასჷლა
• (ინგლისური) ლოგანი — კინოფილმეფიშ ინტერნეტ მუნაჩემეფიშ ბაზას
• ლოგანი — Box Office Mojo-ს
• ლოგანი — Rotten Tomatoes-ს
• ლოგანი — Metacritic-ს