სისტემატიკავიკინერობეფს
კიდუ | ||||||||||
---|---|---|---|---|---|---|---|---|---|---|
მენცარული კლასიფიკაცია | ||||||||||
| ||||||||||
ლათინური ჯოხო | ||||||||||
Picidae | ||||||||||
თხილუაშ სტატუსი | ||||||||||
|
კიდუ თაშნეშე კჷდჷ (ლათ. Picidae) — მაფურინჯეეფიშ ფანია კიდუშნერეფიშ რანწკიშე. აკმაშქვანს რსხულო ოშქაშე დო მორჩილი (8-50 სმ-შახ) მაფურინჯეეფს. შხვადოშხვანერი, ღილე ფერი უღნჷა. დუდი ჟილეშე დო კანკალეშა ბოლოშგიმენი ბურდღათ ჭითა რე. ბურდღაოფორუე გვიგვალი რე. ანკირაშ ბურდღა ზღვანდი დო მანგარღერზამი რე. სუეფი ფართე რე, ბოლოს მჷმორგვალაფირი. დუდიშ ხოკო დიდი დო მანგარი რე. თინი ნინძგი ფორილი რე ფსქელი ოფორუეთ დო ბოლოს ოტახუშნერო რე წჷმოწარკანტელი. ჭჷნერი გჷრძე ნინა წჷმოჭიფარებულ ბოლოს ჩირქინაფილი გუმნარდი უღუ. კუნტა კუჩხეფს 2 კითი წჷმი, ჟირით უკახალენ მალობათ, ჟილეშე მოდირაკილი, ცანდი ჭყვალეფით. კიდუშობურეფიშ უმენტაშო ტყას ხე, ჯგირო ხოხჷნა ჯაშ ღერეფს დო ჸალეფს. ოტახჷშნერი ნინძგით ტახჷნა ნახვაცას, სოიშეთ გჷრძე, წვანდამი ნინათ ეშმაჸუნს შხვა მაფურინჯეეფშო უმუჭირინაფუ ჭანდეფი დო თინეფიშ მუნტური. რჩქვანელობურო ხე ჯაშ ქოქას. წანმოწანაშე ართშა იმიარებჷნა. კიდუშობურეფი ტყალეფს დო ბართვონას ირდუხას რე გოფაჩილი, ავსტრალიაშ, მადაგასკარიშ დო პოლინეზიაშ კოკეფიშ მოხ. კიდუშნერეფიშ ფანიას 36-45 გვარი დო 224 გვარობა რე, თინეფშე საქორთუოს მუთმოფხვადჷნა 4 გვარიშ 8 გვარობა. კიდუშობურეფი მარგებელი მაფურინჯეფი რე.
This article uses material from the Wikipedia მარგალური (Margaluri) article კიდუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.