დორტმუნდი (გერმ.
მახორობაშ მუდანობათ დორტმუნდის უკინებჷ მაბრუო აბანი გერმანიას დო მაართა რურიშ ურბანულ არეალს. დორტმუნდი ჩინებული რე მუჭოთ ვესტფალიაშ წვანე მეტროპოლია.
ნოღა დორტმუნდი Dortmund
|
ამდღარი დორტმუნდიშ აბანს იტორიული წყუეფი მიშინუანა ოფუტე თროთმანს. ოფუტე გეგნუჭჷ დაჩხირს. იმპერატორს ფრიდრიხ I ბარბაროსას თაქ ეუკიდჷ ახალი ნოღა 1152 წანას. 1320 წანაშ უკული ოფიციალური წყუეფი მიშინუანა ნოღა დორტმუნდის.
დორტმუნდის რე დორსხუაფილი თელ ევროპას შინელი ოკუჩხბურთე კლუბი ბორუსია. დორტმუნდის რე გერმანიაშ ართ-ართი უდიდაში სპორტული არენა სიგნალ იდუნა პარკი. სტადიონი ინტირინუანს 80,720 კოჩის. დორტმუნდის რე ხეშბურთიშ, ჩოგანბურთიშ ბუნეფით.
დორტმუნდიშ მახორობაშ 69% გერმანალეფი რენა. ნოღას ოხორანა თურქეფი (8%), აფრიკალეფი (3%), აზიარეფი (2%), ევროპაშ შხვადოშხვა ქინეფიშ კათეფი (15%).
მახორობა | მუდანობა (%-ით) |
---|---|
გერმანალეფი | 69,5% |
შხვა ევროპალეფი | 15% |
თურქეფი | 8% |
აფრო-გერმანალეფი | 3% |
აზიარეფი | 2% |
შხვა | 2,5% |
დორტმუნდი ინდუსტრიული ნოღა რე. თაქ რე დორსხუაფილი ოინფორმაციე, ტექნოლოგიური კომპანიეფი. დორტმუნდის რე დორსხუაფილი აეროპორტი, ნამუთ ვა რე დიდი მასშტაბიშ. არძოშ უმოსი უხოლაშ ინტერნაციონალური აეროპორტი რე დიუსელდორფიშ აეროპორტი.
დორტმუნდის დომინანტი პარტია რე სოციალ-დემოკრატიული პარტია. შხვა პარტიეფი რე: ქრისტიან-დემოკრატიული პარტია, დუდიშული დემოკრატიული პარტია, დემოკრატიული სოციალიზმიშ პარტია დო შხვა.
დორტმუნდის დიდი თეატრალური ტრადიცია უღუ. დორტმუნდიშ ორკესტრიქ დირსხუ 1887 წანას. მაართა საოპერო თეატრიქ დირსხუ 1904 წანას. დორტმუნდი შინელი რე მუზეუმეფით ხოლო.
This article uses material from the Wikipedia მარგალური (Margaluri) article დორტმუნდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.