ბერტრან რასელი
ბერტრან ართურ უილიამ რასელი, მასუმა გრაფი რასელი (ინგლ.
18 მესი, 1872, ტრელეკი, უელსი — ღ. 2 ფურთუთა, 1970, პენრინდაიდრაიტი, უელსი) — ბრიტანალი ფილოსოფოსი, მათემატიკოსი დო ლოგიკოსი. რასელიშ ნახანდეფი ორხველუდჷ მათემატიკას, ლოგიკას, ლინგვისტიკას, ხელუანურ ინტელექტის, კოგნიტურ მენცარობას, ინფორმატიკას, ანალიტიკურ ფილოსოფიას, მათემატიკაშ ფილოსოფიას, ნინეფიშ ფილოსოფიას, ეპისტემოლოგიას დო მეტაფიზიკას. რასელი რდჷ ინტელექტუალი, ისტორიკოსი, სოციალური კრიტიკოსი დო პოლიტიკური აქტივისტი.
| ბერტრან რასელი | |
| ინგლ. Bertrand Russell | |
 ბერტრან რასელი 1957 წანას | |
| დაბადებაშ თარიღი: | |
|---|---|
| დაბადებაშ აბანი: | ტრელეკი, უელსი |
| ღურაშ თარიღი: | ფურთუთა 2, 1970 (97 წანერი) |
| ღურაშ აბანი: | პენრინდაიდრაიტი, უელსი |
| მენოღალობა: | |
| ომენცარე სფერო: | |
| სამუშაშ აბანი : | ტრინიტი-კოლეჯი (კემბრიჯი) |
| ალმა-მატერი: | ტრინიტი-კოლეჯი (კემბრიჯი) |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: | ლონდონიშ ომაფე ჯარალუაშ მაკათური |
| ხეშმოჭარუა: |
|
.svg){kind=small}
ბერტრან რასელიქ დებადჷ ბრიტანეთიშ არისტოკრატიულ ფანიას. გურაფულენდჷ კემბრიჯიშ უნივერსიტეტიშ ტრინიტი-კოლეჯის. გურაფაშ თებაშ უკულ მუშენდჷ შხვადოშხვა ომენცარე ინსტიტუტეფს. რასელი რდჷ XX ოშწანურაშ ართ-ართი უდიდაში ლოგიკოსი, გოტლობ ფრეგე, ჯორჯ ედვარდ მური დო ლუდვიგ ვიტგენშტაინიწკჷმა ართო რდჷ ანალიტიკური ფილოსოფიაშ დუმარსხუაფალი. ბერტრან რასელი, მუში ომენცარე ხემანჯღვერი ალფრედ ნორთ უაიტჰედიწკჷმა ართო რე მონუმენტური ნახანდიშ მათემატიკაშ პრინციპეფიშ ავტორი. ჸათე ნახანდის გიარსხუ კლასიკური ლოგიკაშ გოვითარაფაქ. რასელი რე ავტორი ფილოსოფიური ესსეშ On Denoting, ნამუთ მერჩქინელი რე ფილოსოფიაშ პარადიგმათ.
ბერტრან რასელი რდჷ ანტი-იმპერიალისტი დო დუდენდჷ ინდოეთიშ ლიგას. ლიგაქ 1928 წანას დირსხუ დო თინა ინდოეთიშ ზოხორინელობას თხულენდჷ. რასელი რდჷ ატომური ლჷმაშ ოპონენტი. რასელი აკრიტიკენდჷ ნაციზმის დო სტალინური ტოტალიტარიზმის. 1950 წანას ბერტრან რასელის გინოჩეს ნობელიშ პრემია ლიტერატურაშ დარგის. რასელი რდჷ დე მორგანიშ მენდალიშ (1932), სილვესტრიშ მენდალიშ (1934), კალინგაშ პრემიაშ (1957) დო იერუსალიმიშ პრემიაშ (1963) ლაურეატი.
ლიტერატურა
- Ronald W. Clark. The Life of Bertrand Russell, London: Jonathan Cape, 1975, ISBN 0-394-49059-2
- Ronald W. Clark. Bertrand Russell and His World, London: Thames & Hudson, 1981, ISBN 0-500-13070-1
რესურსეფი ინტერნეტის
This article uses material from the Wikipedia მარგალური (Margaluri) article ბერტრან რასელი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.