ამედეო ავოგადრო (Avogadro) (დ.
9 მარაშინათუთა. 1776, ტურინი — ღ. 9 კვირკვე. 1856,თექინეშეს), იტალიარი მენცარი. განათლებათ იურისტი. ზოხორინელო ქიდიგურუ ფიზიკა, მათემატიკა დო ქიმია. ტურინიშ აკადემიაშ მ.-კორ.(1804), ორდინალური აკადემიკოსი (1819), ტურინიშ უნივერსიტეტიშ პროფესორი (1820-22, 1834-50). მუშენდჷ ფიზიკაშ დო ქიმიაშ შხვადოშხვა დარგის. 1811 წჷმარინუ ჰიპოთეზა, მუდგაშ ალებათ ძაკი აირეფიშ მოლეკულეფი აკმოდირთუ ართი ვარა მუსხირენი ატომშე. თე ჰიპოთეზაშ ოსხირს გიორცხუ იდეალური აირეფიშს ართ-ართი ჯინჯიერი კანონი (ავოგადროშ კანონი) დო აკოქიმინჷ აირეფიშ მოლეკულური დო ატომური მასეფიშ გოთანჯუაშ მეთოდი. მუში ჯოხოქ გიადჷ უნივერსალური ირიათონს (ავოგადროშ რიცხუ). ავტორიე ორიგ. ფიზ. კურსიშ ოთხტომამიშ, ნამუთ მოლეკულური ფიზიკაშ მაართა ოხემანჯღვერე რე.
This article uses material from the Wikipedia მარგალური (Margaluri) article ამედეო ავოგადრო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.