言論自由(英语:freedom of speech),一種基本人權,指一個國家公民,可以按照個人意願表達意見搭想法个政治權利,昰些意見表達弗用受政府「事前」个審查及限制,也無需擔心受到政府報復。有辰光也畀稱爲意涵更廣泛个表達自由。佢常莊畀理解爲充分表達意見个自由,當中包括以任何方式尋找、接收及發放傳遞資訊或者思想个行爲。言論自由个權利在任何國家通常儕會得受到弗同程度个限制,譬如發表誹謗中傷、猥褻、威脅傷人、煽動仇恨或者侵犯版權等言論或者資訊个行爲儕畀禁止,而表達意見个辰光也需要注意辰光、地點搭禮儀。
《世界人權宣言》第19條及《美國憲法第一修正案》明言保障言論自由个權利,確認言論自由个基石重要性,也一方面突顯其脆弱需受保障个面向。《世界人權宣言》第19條及《公民權利搭政治權利國際公約》个《國際人權法》中亦確認言論自由爲一項人權。《公民權利搭政治權利國際公約》第19條指“人人有權在弗受干涉下持有意見及主張”及“每個人儕有權利自由發表主張和意見,此項權利包括尋找,接收搭傳遞資訊交思想个自由,而弗分任何媒介搭國界。”第19條亦指出,昰些權利附有特別責任及義務,行使个辰光必須尊重他人權利或名譽,確保國家安全及公共秩序弗受影響。
This article uses material from the Wikipedia 吴语 article 言論自由, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.