Lhibardade De Spresson
Lhibardade de spresson ye apanágio de la natureza racional de l andibíduo i ye l dreito de qualquiera un manifestar, lhibremente, oupeniones, eideias i pensamientos pessonales sin medo de retaliaçon ó censura por parte de l gobierno ó d'outros nembros de la sociadade.
Ye un cunceito fundamental nas democracies modernas nas quales la censura nun ten respaldo moral.
La lhibardade de spresson ye un dreito houmano, protegido pula Declaraçon Ounibersal de ls Dreitos Houmanos, de 1948, i pulas custituiçones de bários países.
Stórico
La maiorie de ls eideales políticos modernos cumo justícia, lhibardade i l gobierno custitucional, surgiran na Grécia Antiga. Fúrun ls griegos ls pioneiros la lhançar las semientes de l'eideia democrática, que, cunserbadas puls filósofos de la eidade média, fruitificórun na modernidade.
Cun eifeito, solo antegrantes dun demos (munecípio), dirigido por un demarca participában de la política. Dende la spresson democracie, que senefica gobierno de demos. Outro punto a ser cunsidrado que l grande númaro de scrabos eisistentes an Atenas permitie que l tiempo de l cidadano fusse dedicado a la política.
Aristóteles questumaba afirmar que to i qualquiera trabalho manual debie ser eisecutado por scrabos, de forma que ls cidadanos podíssen çpor de sou tiempo pa las atebidades políticas.
Refréncias
This article uses material from the Wikipedia Mirandés article Lhibardade de spresson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.