Solom mi ngi bokk ci njabootu fabaceae. Fekk baaxca Afrig sowwu jant ak Afrig gu xalaa ga.
Solom garab la gog guddaayam man naa àgg ci 30i meetar , am peer bu tal.
Xob yi dañoo nëtëx te tóttóor yi it day weex.
Moom nag ñi ngi koy faral di baye ca Senegaal, rawatina ca bëj-saalum ba di kaasamaas.
Meññeef mi nag day xaw a tàppndaar, mel ni lu gulumba. Xott wu ñuul ëmb ko ñam wi ci biir day puur di ëmb benn pepp walla ñaar ci biir.
Moom nag meññeef mu gànjaru la ci gilikóos, firiktóos, feer, mañesëm, kiifur ak poroteyin.
Lem ji ñu ciy defar nag, lem ju neex, ju ñu bari soxla. Ñi ngi koy defare ca Kaasamaas ca bëj saalumub Senegaal.
Wolof: Solom, Farañse: Tamarinier noir, Joolaa: Buparaŋ walla efrun. Kodiwaar: "Chat noir", Guinée: "Môké", Bénin: "Assissouin", Togo: "Attitoé", Àngale: "Velvet tamarind".
Xeet wii nag am na Senegaal, Bene, Burkinaa Faasoo, Kamerun, Sàntar Afrig, Caat, Kodiwaar, Ginne ekaatoryaal, Gana, Ginne Bisaawóo, Ginne Konaakiri, Liberyaa, Malu, Niseer, Niseeryaa, Sao tomé-et principr, Seraa Lewon, Sudaa, Tógóo.
Dialium guineense
This article uses material from the Wikipedia Wolof article Solom, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ëmbéef laa ngi jàppandi ci anamu CC BY-SA 4.0, lu moy yeneeni tektal Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Wolof (DUHOCTRUNGQUOC.VN) is an independent company and has no affiliation with Wiki Foundation.