Ene voye, c' est on tchmin ki dinltins aléve d' on viyaedje a l' ôte, e-z alant å pus direk.
Li voye passéve sol costé des frexhisses, trevåtchive les bîs ås wés et fjheut pus vite on "Y" k' on "X", cwand ele si pårtixheut e deus.
Ele poirtéve sovint l' no do viyaedje u del veye eyu k' ele aléve, u ossu l' no des sôres di djins ki l' eprontént: Li voye di Djedene, di Bouyon, d' Anloe... des boûtîs, des shabotîs,... li voye do fier, li voye do tcherbon ...
Ces voyes la estént sovint etertinowes, ca l' passaedje î esteut frecant. C' esteut nén come les fås tchmins, k' estént des tchmins d' tere, nén spirés, et avou des foites årmeures bén parfondes, ca les rowes di bwès estént stroetes et s' efoncént foirt dins l' mole tere. Ça a candjî asteure ki les bindaedjes di pneus on veu l' djoû, çou k' a ralårdji les årmeures.
Des voyes especiåles, c' ere les hierdåvoyes et les tcheråvoyes.
Gn a d' l' adire inte ene voye, on pazea, on rotoe, ene rowe, ene pavêye, ene grand-rote, ene cwate-bindes ey ene otostråde.
Li mot "voye" a dné bråmint des nos d' plaeces del Walonreye.
Po des linwincieusès racsegnes sol mot "voye", et les ôtes sinses, alez s' vey e splitchant motî.
This article uses material from the Wikipedia Walon article Voye, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.