Serè: Veye di Walonreye (dilé Lidje)

(wa) Serè — Sèrè
(fr) Seraing

(Detays) (Detays)
Eplaeçmint del comene dins li province
Lingaedje oficir	Francès
Lingaedje coinrece	Walon
Borguimwaisse	Francis Bekaert
Eplaeçmint	- Arondixhmint d' Lidje - Province di Lidje - Walonreye - Beldjike
Sitindêye	35,33 km²
Peuplåcion (2018)	+/- 64.141 dimorants
Dinsité (2018)	${\displaystyle 64141\div 35,33=}$ 1.815,48 dimorants/km²
Coisse d' eure	ECG (ECG+1) / CEST (UTC+2)
Preficse telefonike	(+32) 04

Serè, co lomé po dvizer del rebanêye comene Grand Serè ([FR] Seraing). K' ès-n' ortografeye e Feller, c' est Sèrè, c' est ene rebanêye comene del Walonreye, el province di Lidje.

• Sipotaedje: råyeus d' årmå

• Serè (veye)
• Les Bonceles
• Djimepe
• Ougrêye

Serè si trouve å sud di Lidje, tot rmontant Mouze.

Les dmorants d' Serè sont spotés «Râyeûs d' ârmâ» (råyeus d' årmås) la kel betchfessî å est prononcî â (/aː/) adon k' a Lidje, il est prononcî å (/ɔː/), dj' ô bén, cåzu «ô» (/oː/).

C' est ene plaece foirt industrialijhêye, avou des hôts-forneas.

Li sidje del societé siderurdjike, asteure rimetowe avou Arcelor, divant çoula Cockerill-Ougrée, si trouve la k' c' esteut l' viye dimorance d' esté des princes-evekes di Lidje.

Eto sol comene di Serè, å Vå-Sint-Lambiet, i gn a des foirt rilomêyès cristalreyes, astalêyes dispoy 1826 sol site del viye abeye cistercyinne.

Serè est tchanté dins «Set solos po Rathmès», ene tchanson adjinçnêye pa Jacques Lefebvre (muzike) eyet Guy Fontaine (cåzaedje) li djoû l' etermint da Jean Rathmès.

 Loukîz a :

• Serè (veye)#Tuzance walone
• Djimepe-so-Mouze#Tuzance walone

Tins del såjhon 2022-2023 del D1 bedje di fotbale, li R. FC Serè djouwe drola. C' est l' deujhinme club del province di Lidje, après li Standård di Lidje.