Jean Rathmès: Scrijheu e walon

I frè tos les mestîs : houyeu, vindeu d' materiås po les bastimints, tchampete, policî, pu penleu å Parket.

Riprins dins l' grosse antolodjeye Piron.

Il a eplaidî ene ramexhnêye d' arimés, et scrire cwénze pîces di teyåte e walon (måy eplaideyes), et troes pîces radiofonikes. Sacwants tites.

• Les hoûlåds dzo les stoeles (1954)
• L' efant sol toet
• Les vwès del nute & L' Aili reye (1961-1962)

Les tinmes da Rathmès sont des tinmes di s' tins et di s' coron, des spoûles vikêyes emey les ovrîs d' Serè.

Come policî, i nd a veyou eto des vetes et des maweures. Did la des tinmes a raprotchî des romans policîs come dins "Les vwès del nute".

Dins «L' Aili reye», i bastixh ene pîce istorike åtoû d' on vî scrijhaedje e walon, li complinte des payizans.

Jacques Lefebvre et Guy Fontaine ont fwait ene tchanson po lyi rinde bon dvwer li djoû di si etermint, k' il lyi lujheut les set soleas, lomé adon: «Set solos po Rathmès».

•   Li Wiccionaire si rsieve di sacwantès fråzes da Jean Rathmès po-z enimådjî des mots k' i gn a.
•   Vos trouvroz des racsegnes so les ouves da Jean Rathmès, u les ouves zeles-minmes, so Wikisourd e walon.
• Deus powinmes da lu (sol waibe "Li walon d' emon nozôtes")