Sclessin
Sclessin est on coulot sol boird di Mouze, metou avou Lidje dispoy les grands rebanaedjes di 1977, mins ki dvant çoula esteut avou Ougrêye. Sclessin est cnoxhou lon et lådje paski c' est la k' i gn a li ståde do Standård di Lidje.
Istwere
Sclessin esteut, avou Ougrêye, tere del principåté di Ståvleu-Måmdey å 18inme sieke; eyet c' est e 1768 k' ele divnént payis d' Lidje, la ki l' prince-abé di Ståvleu elzès baye å prince-eveke di Lidje dins on discandje di teres (Ståvleu-Måmdey riçuva Vien eyet Antene).
Tins do Redjime francès, e 1795, Sclessin est, avou Ougrêye, metou dins l' canton d' Serè, di çou k' esteut adon l' dipårtumint d' l' Oûte.
Ås grands rebanaedjes di 1977, Sclessin est distaetchî d' Ougrêye eyet rebané avou Lidje, dismetant k' Ougrêye est rebané avou Serè.
Difoûtrinne hårdêye
Waibe do comité d' cwårtî di Sclessin, avou bråmint des racsegnes
This article uses material from the Wikipedia Walon article Sclessin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.