Li rindjmint des fåves da Aarne et Thompson, c' est on rlomé sistinme di clasmint des fåves do vî vî tins.
C' est l' Finlandès Antti Aarne (1867-1925) et l' Estazunyin, ki provneut d' Suwede, Stith Thompson. (1885-1976), k' ont-st emantchî ci rindjmint la.
Il a stî eplaidî on prumî côp e 1910 pa Antti Aarne en almand. Li foclorisse s' a bråmint rashid so les ramexhnêye di contes finlandès, so les fåves et floricontes almands dås frés Grimm, et eto sol ramexhnêye daenwesse da Sven Grundtvig.
E 1927, Stith Thompson a stindou l' rindjmint a des fåves di totavå, dins l' live "The Types of the Folktale : A classification and bibliography", k' a stî replaidî 1973, pa l' Academia Scientiarum Pennica a Hensilki.
E 2004, Hans-Jörg Uther a co rcandjî ene miete li rindjmint po si Enzyklopädie des Märchens (eciclopedeye des fåves do vî vî tins).
Li rindjmint da Aarne et Thompson a stî eployî po classer les fåves do vî vî tins did pattavå l' Daegn. Et çoula, cobén k' on-z a rprotchî å rindjmint d' esse trop ecorinné so les fåves di l' Urope.
This article uses material from the Wikipedia Walon article Rindjmint des fåves da Aarne et Thompson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.