Rindjmint Des Fåves Da Aarne Et Thompson
Li rindjmint des fåves da Aarne et Thompson, c' est on rlomé sistinme di clasmint des fåves do vî vî tins.
C' est l' Finlandès Antti Aarne (1867-1925) et l' Estazunyin, ki provneut d' Suwede, Stith Thompson. (1885-1976), k' ont-st emantchî ci rindjmint la.
Istwere do rindjmint da Aarne et Thompson.
Il a stî eplaidî on prumî côp e 1910 pa Antti Aarne en almand. Li foclorisse s' a bråmint rashid so les ramexhnêye di contes finlandès, so les fåves et floricontes almands dås frés Grimm, et eto sol ramexhnêye daenwesse da Sven Grundtvig.
E 1927, Stith Thompson a stindou l' rindjmint a des fåves di totavå, dins l' live "The Types of the Folktale : A classification and bibliography", k' a stî replaidî 1973, pa l' Academia Scientiarum Pennica a Hensilki.
E 2004, Hans-Jörg Uther a co rcandjî ene miete li rindjmint po si Enzyklopädie des Märchens (eciclopedeye des fåves do vî vî tins).
Li rindjmint da Aarne et Thompson.
- fåves di djåzantès biesses (inglès : Animal Tales, almand Tiermärchen), ki c' est les l° 1 a 299.
- Fåves d' emacralaedjes et d' estchantmint (inglès : Tales of Magic, almand Zaubermärchen), ki c' est les l° 300 a 749.
- Fåves rilidjeuses (inglès : Religious Tales, almand Legendenartige Märchen), ki c' est les l° 750 a 849.
- Floricontes (inglès : Romantic Tales, almand Novellenartige Märchen), ki c' est les l° 850 a 999.
- Contes do biesse magneu d' efants (inglès : Tales of the Stupid Ogre, almand Märchen vom dummen Teufel/Riesen), ki c' est les l° 1000 a 1199.
- Couyonådes et racontroûles (inglès Jokes and Anecdotes, almand Schwänke), ki c' est les l° 1200 a 1999,
- Fåves di formule madjike (inglès Formula Tales, nén ene categoreye po Aarne), ki c' est les l° 2000 a 2400.
- Fåves nén rindjåves (inglès: Unclassified Tales, nén ene categoreye po Aarne) ki c' est les l° 2401 a 2500.
Eployaedje et criticaedje.
Li rindjmint da Aarne et Thompson a stî eployî po classer les fåves do vî vî tins did pattavå l' Daegn. Et çoula, cobén k' on-z a rprotchî å rindjmint d' esse trop ecorinné so les fåves di l' Urope.
Rindjmint di sacwantès fåves del Walonreye
- Loukîz èn ôte rindjmint a Fåve do vî vî tins del Walonreye
- Fåves d' emacralaedje
- Fåves rilidjeuses
- Fåves d' emantchaedje do diåle
- Fåve do Verbok
- Li diåle maçon (ene des féns possibes)
- Fåve di Bietlete
- Fåves d' emantchaedje do diåle
- Racontroûles
This article uses material from the Wikipedia Walon article Rindjmint des fåves da Aarne et Thompson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.