Noûmot Do Walon

Les noûmots do walon polnut aveur sikepyî tot seu. C' est l' cas di bråmint des calcaedjes.

Ces-ci provnèt å pus sovint do francès. Pacô, do francès d' Beldjike. Mins end a yeu sacwants di almand, dins l' Payis d' Måmdiy), di l' inglès (mon les Walons del Wisconsene).

Emey les ehåyîs noûmots, gn a yeu deus tropes d' askepieus :

• al fén do 19inme sieke, kiminçmint do 20inme sieke, des noûmots ahessants po les belès letes ont stî foirdjîs des scrijheus lidjwès. End a sacwants k' ont stî ramexhnés pa M. Piron.
• al fén do 20inme sieke, kiminçmint do 21inme sieke, gn ourit ene cåkêye di noûmots ahåyants po scrire del prôze nén racontrece ki fourît atåvlés des rfondeus. End a bråmint k' ont stî eplaidî dins li splitchant motî do walon.

Sacwants noûmots foirdjîs pås scrijheus lidjwès diviè 1900

• tinrûle, tinrûlisté
• coehisté, påjhûlisté
• revinteu
• foû-naturel
• roviance, diloujhance
• zuvion

Sacwants noûmots foirdjîs pås rfondeus diviè 2000

• noûmot, linwe-ehåyaedje, rifondou walon
• eciclopedeye, estat, estår, woligane
• tuzance, schålance
• copiutrece, emile, emiler, emilreye
• erîler, erîlêymint
• motî, motlî

Sacwants noûmots foirdjîs a pårti di bates di noûmots

• plake-tot-seu
• rôlants grés
• rowe-manaedje
• mailete
• zûna
• natacha
• guigne-djin
• schayete USB

Gn a yeu ene bate di noûmots al Walone diviè 1998. Mins come cisse rivuwe n' eplaide ki del powezeye, sovint d' ancyins scrijheus et des ptits bokets d' prôze racontrece. Les noûmots trovés s' ont racamuchî dins des ridants.

Pus consecante, li bate di noûmots del fiesse ås lingaedjes walons (2015-2019).

Li Consey des Lingaedjes et des Politikes linwistikes del Federåcion Walonreye-Brussele aprouve li fijhaedje di noûmots e lingaedjes do payis.

• Bate di noûmots del fiesse ås lingaedjes walons
• Datåcion d' on mot

• Pådje moennrece so les noûmots do walon (so l' Aberteke)
• Studias
  • (fr) Studia da Michel Francard (2023)
  • (fr) Tuzaedje so l' foirdjaedje di noûmots e walon
  • (fr) Papî so les noûmots e walon (da Lucien Mahin, dins Ké walon po dmwin, metou so les fis) (so l' Aberteke)
• Noûmots do walon dedja studyîs e Wiccionaire (sorlon leu viyesse)
  • Sacwants noûmots walons
  • Calcaedjes :
    • do francès
    • di l' inglès
    • do neyerlandès
    • di l' almand
• Djivêyes di noûmots d' éndjolike e walon
  • (1995) Prumî motlî po les éndjoleus (Lucyin Mahin)
  • (1998) : Li prumî motî walon-inglès des copiutreces (Lorint Hendschel)
• Bate di noûmots del fiesse ås lingaedjes walons
  • Fi sol bate (so "Berdelaedjes")
  • Atåvlas des 12 bateus 2015
  • (fr) Les dijh meyeus e 2016
  • (fr) Les dijh meyeus e 2017
  • (fr) Les dijh meyeus e 2018