Joseph Dufrane a skepyî a Framriye li 23 d' decimbe 1833 ey a morou a Mont li 16 di decimbe 1906.
C' esteut on scrijheu e picård borin.
Skepiaedje | 23 di decimbe 1833, Framriye |
---|---|
Moirt | 16 di decimbe 1906, Mont |
Nåcionålité | Bedje |
Activités | scrijheu d' teyåte |
Di s' mestî, il esteut dins l' houyreye, et divni l' directeur d' on gros tcherbonaedje do Cinte.
Djôzef Dufrane est rprins dins l' grosse antolodjeye da Piron.
C' esteut aprume on scrijheu d' fåves ki sinéve Bosquètia (li spirou).
Il a eto scrît des tchansons, li pus cnoxhowe, c' est "Èç n' est nén co Framriye" (èn c' est nî co Framrîe).
Il a redjårbé troes pîces da Molière e walo-picård: Le cocu imaginaire, le médecin malgré lui eyet le misantrope.
I pout esse riwaitî come l' enondeu des scrijhaedjes e borin. Il aveut cmincî pa eplaidî troes ans en erote l' "Årmonak borin" (1880 a 1992).
Di 1885 a 1888, ses scrijhaedjes seront publiyîs dins ene gazete avanciveuse : li Tambour-battant.
Si fi a rashonné totes ses ouves dins troes gros lives, eplaidîs e 1908 : "Oeuvres de Joseph Dufrane". I cmince ddja a-z î eployî les rîles do tot djonne sistinme Feller.
Ses scrijhaedjes ont stî replaidîs, li dierin côp, e 2005.
Po dire li veur, Djôzef Dufrane èn pout nén esse rindjî emey les scrijheus e walon, ca l' diyaleke di Framriye est metou e mitan do Borinaedje, la k' on djåze picård.
This article uses material from the Wikipedia Walon article Joseph Dufrane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.