Joseph Docquier: Sicrijheu e walon
Joseph Docquier (e walon, Djôzef Dokir, Djôⁿzèf Dokîr), c' est on scrijheu e walon k' a skepyî li 30 di may 1942.
I dmeure al Veye-do-Bwès (dilé l' Viye Såm).
Il est rprins dins l' Antolodjeye Scrijheus d' Årdene.
Di s' mestî, il esteut aprume mwaisse di scole, pu comi-voyaedjeu.
Ouve come sicrijheu e walon
I scrijheut todi des rondeas.
Ses scrijhaedjes ont stî eplaidîs dins Singulîs eyet dins l' Rantoele-gazete.
E 2010, els a rashonné e-n ene ramexhnêye : Rondeas e walon såmî.
Come bouteu pol walon
Tot djonne, i s' egadje dins l' UCW, et divni l' prezidint èn an å lon, a cåze del tournance del fonccion.
Il a bouté avou Lucyin Mahin pol tévé walon-cåzante, come moenneu d' respondas di des waloneus (come Lucien Gaspar eyet Serge Fontaine).
E 2015, i prinda pårt ås ocupaedjes ezès viyaedjes (Buhô et Gouvi) del fiesse ås lingaedjes walons.
Alére
Pierre Otjacques : biyografeye da Joseph Docquier divins : Singuliers, l° 2/2010, 7-8.
Hårdêyes difoûtrinnes
Li Wiccionaire si rsieve di sacwantès fråzes da Joseph Docquier po-z enimådjî des mots k' i gn a.
Vos trouvroz des racsegnes so les ouves da Joseph Docquier, u les ouves zeles-minmes, so Wikisourd e walon.- Pådje avou sacwants d' ses scrijhaedjes (so l' Aberteke)
Videyos sol tévé walon-cåzante - Responda so s' veye
- Lijhaedje d' onk di ses rondeas
- Responda da Serge Fontinne moenné pa Joseph Docquier
- Si avuzion sol rifondou walon (2019)
Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Djôzef Dokir avou l' accint del Viye Såm pol Djåzant atlasse éndjolike des lingaedjes di France et d' avår la.
This article uses material from the Wikipedia Walon article Joseph Docquier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.