Arimés Rondeas E Walon Såmî
Rondeas e walon såmî (Rondês è walon sâmî), c' est ene ramexhnêye di 45 rondeas sicrîts pa Joseph Docquier et eplaidîs do Muzêye do Pårlaedje e l' Årdene e 2010.
Sacwants arimés avént ddja parexhou dins «Singulîs» et so l' Aberteke.
Gn a on motlî des målåjheys mots å coron (p. 58-64), adjinçné rondea pa rondea.
Corwaitaedje di l' ouve
Les tinmes diswalpés sont, come di djusse li nateure (les påcretes), les såjhons (li prétins, nute d' awousse) et l' veye des viyaedjes did dinltins (li posson, les roudions, li djouweu d' årmonica).
Mins eto des sacwès istorikes Bernadette Soubirou (p. 53), et des dominnes waire aduzés pal powezeye (l' atlete, p. 47).
Li walon est foirt ritche, ca li scrijheu a prins plaijhi a-z aler rcweri des vîs mots tipikes.
Onk des rondeas
Deus djonneas ki s' veyént voltî mins k' ont ndalé tchaeke di s' costé...
Lu et leye
Insi por Lu, insi por Leye,
Gn åreut-st avou nou cour a prinde ?
Lu, di s' costé, a viké s' veye
Come il a plou et sins s' disfinde.
Lèye, di s' costé, a fwait parey
Avou paçyince, sins måy si plinde.
Insi por Lu, insi por Leye,
Gn åreut-st avou nou cour a prinde ?
Lu rota s' voye sins s' binamêye
K' èn ôte batea tcherdja po dschinde
Li fleuve del veye ki n' pout ratinde,
Adon k' on cwire si destinêye !
Insi por Lu, insi por Leye,
C' est leus cours ki s' divént comprinde !
Hårdêye difoûtrinne
- Papî d' gazete sol prezintaedje (e francès)
- Troes rondeas e mwaisse modêye ey e rfondou (avou sacwants ratournaedjes e francès, sol djåspinreye "Li walon d' emon nozôtes")
- Sacwants pus vîs rondeas riprins e live (so l' Aberteke)
This article uses material from the Wikipedia Walon article Rondeas e walon såmî (arimés), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.