Georges Fay a skepyî li 24 di djun 1899 ey a morou e 1986.
Skepiaedje | 24 di djun 1899 |
---|---|
Moirt | 1986 |
Activités | scrijheu |
C' esteut on sicrijheu e walon, ricwereu sol foclore, et bouteu pol walon dins l' payis d' Tchålerwè.
I djouwéve teyåte, tchantéve, dinéve des conferinces, adjinçnéve des emissions e walon å posse. I fourit eto prezidint di l' ALWAC.
Di s' mestî, il esteut mwaisse di scole.
L' anea, ene pîce di teyåte sicrîte e 1932 ey eplaideye e 1938, ourit toplin do succès e Payis d' Tchålerwè et co pus lon. Ene ôte pîce, Zabele, a stî li prumire pîce e walon djouwêye a l' RTBF e 1961.
I ratourna vers po vers ene pîce da Racine, Les plaideus (creyeye li 9 d' octôbe 1980 et eredjistrêye al radio).
Come ôtès pîces di teyåte: “Pol medaye”, “Djåke Bertrand” (1934), “El fåt touwer !” (1934); “Moman”; “L' ôte moman”.
Il a eto scrît des pîces pol radio: “Å cariyon” et “Nosse crås mårdi”, ey ene rivuwe "on nedje a Couyet".
Come sicrijheu d' prôze, il a eplaidî “Fonse et Cie” e 1942, ki conte les paskeyes d' on scolî åddilon d' l' anêye.
Come powete, il aveut meyeu di scrire del prôze-powezeye come divins “Troes ptits efants”; “Tchambe l° 9”; “El grande paskeye”; “On moes shût l' ôte”; “Peneus tchaplet”; “Traze al dozinne” (fåves, 1942).
This article uses material from the Wikipedia Walon article Georges Fay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.