Remi Capoen
Remi Capoen (Londn, 30 meie 1916 - Yper, 1 januoari 2001) wos e coureur uut Dikkebus.
- Dit artikel es geschreevn in 't Ypers, en da zou best ozô bluuvn.
En is prof ewist van 1937 toet 1939.
Geborte
Mittn (lik of dan ze nem in Dikkebus noemdn) is ebôorn in Londn achter da zyn moeder nor Iengeland evlucht wos voun 'n Êestn Ôorloge.
Koers en vodder leevn
At 'n beguste te koersn, wo dat ferme teegn de goeste van ze moeder. Mo toune at 'n achter zyn êestn koers 50 frang kuste geevn, mucht 'n egliek vors doen.
't Wos e goein coureur, mor oundermêer deur 'n Twiddn Ôorloge het 'n nôois echt kunn deurebreekn. By de ounofhankelikkn (tusschn de liefhebbers en de profs) is 'n in 1936 'n twiddn ewist in 'n vierdn rit van de Rounde va België (achter Lucien Storme) en ze beste resultoatn by de profs woarn e derde plekke in de Rounde va Luxemburg en en achste plekke in de Woalschn Pyl van '38.
At 'n uuteschid wos, zoungn ze in Dikkebus: Mittn Capoen e ku nemi ryen, want en het zêer an ze knien.
Twêe va ze zeuns en oek nog ekoerst, mo ze zyn nôois prof erocht (ol schynt het da zyn oudste zeune Gilbert der nie verre va wos). 't Hen oek nog êentige van ze klêenzeuns ekoerst.
Externe koppelienge
This article uses material from the Wikipedia West-Vlams article Remi Capoen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.