Bevolkiengsdichtheid
Pyrénées-Atlantiques (64) | |
---|---|
Liggienge binn'n Vrankryk | |
Regio | Nouvelle-Aquitaine |
Hoofdstad (Préfecture) | Pau |
Ippervlak | 7645 km² |
Inweuners | 673.986 (2016) 88 inw./km² |
Arrondissementn | 3 |
Gemêentes | 546 |
Pyrénées-Atlantiques (64) (Gascons: Pirenèus-Atlantics, Baskisch: Pirinio Atlantiarrak ofte Pirinio Atlantikoak, "Atlantische Pyreneen" in't Vlams) es e Frans departement in 't zuudn van de regio Nouvelle-Aquitaine. De noame komt van't feit da 't departement hil o de westkantn van de Fransche Pyreneeën ligt teegn d'Atlantische Oceoane.
't Departement Pyrénées-Atlantiques wos êen van de 83 departementn die de 4e moarte 1790 gesticht zyn binst de Fransche Revoluusje. 't Groundgebied dervan bestoat uut e gedêelte van de vroegere provinsjes Gascogne, Navarra en Béarn. Istorisch geziene wos Béarn e zelfstandig prinsdom round d'ôofdplekke Pau. De reste van de streke es istorisch e dêel van Basknland wa nu vo 't grotste dêel in Spanje ligt. Doaroum wordt die streke an weerskantn van de grenze ôok wel "Nôord-Basknland" genoemd. Inweuners van Pyrénées-Atlantiques wordn doaroum ôok ofwel Béarnaiz'n ofwel Baskn genoemd, ofankelyk van woar da ze komm'n.
Tout 2016 wos't departement ounderdêel van de regio Aquitaine.
Pyrénées-Atlantiques grenst an d'Atlantische Oceoane (mêer bepoald an de Golf van Biskaje) in't westn, an Spanje (de regio's Aragón, Navarra en Basknland) in't zuudn en an de departementn Hautes-Pyrénées in't ôostn, Gers in't nôordôostn en Landes in't nôord'n.
't Departement bestoat uut drie arroundissementn (Pau, Bayonne en Oloron-Sainte-Marie) en et 27 kantongs en 546 gemêentn. De grotste gemêentn noar inweunertal zyn Pau, Bayonne, Anglet, Biarritz en Hendaye.
Ofbeeldiengn die ier by passn ku je vien in de categorie Pyrénées-Atlantiques van Wiki Commons. |
This article uses material from the Wikipedia West-Vlams article Pyrénées-Atlantiques, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.