Meknes (Aroabiesch : مكناس ;Berbersch : ⵎⴽⵏⴰⵙ Mknas of Meknas) is e stad in 't Nôordn van Marokko.
't Was den oofstad van 't land oendre 't bestier van Moulay Ismail (1672-1727), vôo dat die verplatst wierd no Marrakesh. De bevolkienge van de stad is geschat ip 650 000 inweuners en mê d' aglomeroasje drby is da bykans 1000 000. 't Is d' oofplatse van de streeke Meknes-Tafilalet en de zesde grotste stad van Marokko. Meknes is genoamd nor e Berbre-stam die gekend was lik de Miknasa ( Berbersch: Imeknasen) vôgns Nôord-Afrikoansche middelêewsche bronn.
E Berber-volk genoamd de Miknasa, ofkomstig van 't Zuudn van Tunezië, vestigde êm ier in de 9ste êewe.
D' Almoraviedn lietn ier e versterkienge iprichtn in d' 11ste êewe. Die bôod weerstand an d' ipkomste van d' Almohoadn, mo wierd tonne vernietigd deur undre, vor alles grotre êr ip te bown mê moskeejn en grôote versterkiengn. Oendre de Meriniedn kwoamn dr nog mêer madrasas, kasbahs en moskeejn in de vroege 14de êewe, en de welstand blêef deurn oendre de dynastie van de Wattasiedn.
Meknes beleefde 'n oogtepunt lik keizrlikke ooftstad van Moulay Ismail vôgnd ip diens trôonsbestygienge lik Sultan van Marokko. Oendre d' oede stad liet y e grôot gevank bown vo dr de gevangn kristn zêemann in te steekn. Y liet ook veele gebown, ooviengn, grôote stadspôortn, moskeejn iprichtn (vandoa de bynoame van Meknes lik de "Stad mê Oendrd Minarettn") en de grôote stadsmeur van 40 km lank.
Vôgns e stuudje van d' Organizoasje ICOMOS êt d' iestôoriesche stad gin goeje ofwoatriengssystêemn. Op sommigte platsn zyndr doadeure oovrestroomiengn en lekkn die ook de weirdevulle momumentn bedreign.
Ofbeeldiengn die ier by passn ku je vien in de categorie Meknes van Wiki Commons. |
This article uses material from the Wikipedia West-Vlams article Meknes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.