Êenheid Newton

De newton is den êenheid van kracht ofgeleid in 't SI-systèm, en is gelyk an de kracht di nôdig i vor ne massa van ne kilo te versnelln met êen meter per vierkante seconde. De formule vo de newton is dus F = ma, of:

${\displaystyle {\rm {1~N=1~{\frac {kg\cdot m}{s^{2}}}}}.}$ 

• 1 N is de kracht van d' Eirde zyn zwoartekracht up een vôorwerp van 102 g (9.8⁻¹ kg) ('t zelste gelik een klêenn appel).
• An 't uppervlak van d' eirde oefent een massa van 1 kg een kracht uut van omtrent 9.80665 N noa beneen (of 1 kgf). In 't geweune leevn wordt 1 kg dikwils ofgeround toet 10 N.
• De kracht die den eirde zyn zwoartekracht uutoefent up een mens van 70 kg is omtrent 686 N.
• Mechanischn arbeid kan berekend wordn deur de kracht die uutg'oefend wordt te vermenigvuldign met den ofstand, en dus is de Newtonmeter (N.m, ook gelyk an 1 J) de SI-êenheid van arbeid of energie.
• Omdan krachtn in 't geweune leevn mêestol veel grôter zyn dan 1 N, wordn krachtn dikwils uutgedrukt as kN of 1000 N.