Eevnhoevign
Eevnhoevign (Artiodactyla) zyn een orde van hoefbeestn die hunder gewicht droagn ip twêe (eevn getal) van hunder vuuf teens, de derde en de vierde teen.
| Eevnhoevign | |||||||||
|---|---|---|---|---|---|---|---|---|---|
 Verschillige soortn eevnhoevign | |||||||||
| Taxonomische indêlienge | |||||||||
| |||||||||
| Orde | |||||||||
| Artiodactyla Owen, 1848 |
An die twêe teens zittn hoevn. De buutnste teens zyn minder oentwikkeld of noar achtern gericht. D' eevnhoevign zyn plantneters die ip e speciale maniere hunder eetn verteirn. Z' hèn e moage mè verschillige koamers woarin da 't eetn verteirt in plekke van in e derm lyk by d' oeneevnhoevign. Achter da 't eetn verteird is wordt 't nog e kêer herkauwd. Doadeure kunn micro-organismn in 't verteiriengskanoal 't eetn gemakkelyker ofbreekn.
Hertn, runders, kemels, lama’s, giraffn, okapi’s, wilde zwyns, pekari's, nylpeirdn, schoapn, geetn, gazelln en antiloopn moakn deel uut van d' eevnhoevign. Ze zyn te viendn over bykans heel de weireld en vele soortn zyn gedomesticeerd.
Recent oenderzoek wyst uut dat de walvisachtign (Cetacea) g'evolueerd zyn van d' eevnhoevign. Nylpeirdn zyn nauwer verwant an de walvisachtign of an d' andere eevnhoevign. Doarom combineert de moderne taxonomische classificoasje somtyds d' Artiodactyla en de Cetacea in de nieuwe clade Cetartiodactyla (walvisachtign en eevnhoevign).
Moderne taxonomische indeelienge
D' orde van eevnhoevign is oenderverdeeld in de volgnde oenderordes en families:
Orde: Artiodactyla (Eevnhoevign), ook somtyds t'hopegevoegd met de Cetacea toet de clade Cetartiodactyla
- Oenderorde: Cetruminantia (Herkauwers en nylpeirdn)
- Clade: Cetancodontamorpha
- Familie: Hippopotamidae (Nylpeirdn)
- Clade: Ruminantia (Herkauwers)
- Infraorde: Pecora (Hoorndroagers)
- Familie: Antilocapridae (Gaffelantiloopn)
- Familie: Bovidae (Holhoornign)
- Familie: Cervidae (Hertachtign)
- Familie: Giraffidae (Giraffn en okapi’s)
- Familie: Moschidae (Muskushertn)
- Infraorde: Tragulina
- Familie: Tragulidae (Dwerghertn)
- Infraorde: Pecora (Hoorndroagers)
- Clade: Cetancodontamorpha
- Oenderorde: Suina (Zwynachtign)
- Familie: Suidae (Zwyns)
- Familie: Tayassuidae (Pekari's)
- Oenderorde: Tylopoda (Eeltpootign)
- Familie: Camelidae (Kemelachtign)
 | Ofbeeldiengn die ier by passn ku je vien in de categorie Artiodactyla van Wiki Commons. |
This article uses material from the Wikipedia West-Vlams article Eevnhoevign, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.