't Burggraaf Frimoutpark is 't êeste stadspark van Poperienge.
D'openienge gebeurde 'n 1stn september van 2002 deur Dirk Frimout, êreburger van Poperienge.
Je ku binnkomn ol de Komstroate, de Zwitsersche route (officiële noame: Switch Road) en de nieuwe bibliotheke in de Veurnstroate. 't Stadspark is oopn van zunsopgank toet zunsoendergank.
't Park is à peu près 3 etcoarn 17 grôot. 't Is langerekt en inedêeld volgens e modern principe. D'r zyn 3 zones: e demonstroasjezone mi zes lochtienksjes (legt teegn 'n Voart), een ecologische zone mi verschillige beplantiengn, en een oenstpanniengszone woa da ze nu geregeld activeitn in organiseern in oopnlucht.
In 't park stoat er oek e monument, enoamd STS-45. 't Beeldt de vlucht van de Atlantis uut woamei da Dirk Frimout de ruumte ingoenk. 't Beeld is ontworpn deur Cyr Frimout, Dirks broere.
"Een frimoutje zettn" is een uutdrukkieng by de jounge gastn. 't Wilt zeggen vrijen in 't Burggraaf Frimoutpark. 't Park legt juste lasen 't jeugduus De Couter; jounge koppeltjes passeern dus ol rap e kêe in 't geniep na 't park.
This article uses material from the Wikipedia West-Vlams article Burggraaf Frimoutpark, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.