Blaffeteure
Een blaffeteure of plaffeture (Kortryk), (Nederlands vensterluik), is een droaiboar panêel, meestal in hout, woamee dat 't veister an de buutnkant kan ofgeslootn wordn teegn de koude, de zunne of teegn inbrekers.
Over 't algemêen zyn der twi blaffeteurn per veister. Den dag van vandoage hèn ze surtout een decoratieve functie en is under functie vervuld deur de lattestôor, ôok wel persienne genomd.
Etymologie
't Woord "blaffetuur" wordt in verschillige Vlamsche dialectn gebruukt, nie allêne in 't West-Vlams, moar ook in 't Ôost-Vlams, 't Broabants en 't Limburgs. In 't Woals is 't plafture.
D'etymologie van 't woord is ondudelik.
In 1390 ist er sproake van vier ellen blaeftuerlakens; in 1470 aen 1 blaftuerre te makene en in 't Vroegnieuwnederlands (1500-1700) blaffetuere, speculare chartaceum, fenestra papyracea vel membranacea. Da wyst er ip dat die "blaffeteurn" van papier of perkament woarn. Vroeger woarn der nog gin glasroamn, moa woarn ze toegemakt me perkament of g'olied doek.
Van Dale verkloart 't woord uut 't Middellatyn blaffardus (van blêke kleur).
This article uses material from the Wikipedia West-Vlams article Blaffeteure, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.