Pusan (kor.: 부산 / 釜山 Busan ) om lidn Korejan Tazovaldkundan suvipäivnouzmaižel mererandal, valdkundan kaikiš järedamb port.
Se om kahtenz' surtte lidn valdkundas Seulan jäl'ghe, lidn-metropolii-statusanke.
Lidnanznam | Flag |
Valdkund | Korejan Tazovaldkund |
Eläjiden lugu (2020) | 3,411,829 ristitud |
Pind | 770,04 km² |
Pämez' | Pak Hön Čžun (sulaku 2021—, 박형준 / 朴亨埈) |
Telefonkod | +82-(0)51 |
Aigvö | UTC+9 |
Eländpunktan aluz om pandud meiden eran zavodindas. Mainitase Kočhil'sangun-nimitusenke 6. voz'sadal. Lidnan nimi oli Tonne vll 757−1910, sid' udesnimitihe nügüdläižikš sen amuižen portan mödhe. Toižed-ki eländpunktad oliba nügüd'aigaižen Pusanan territorijal. Korejan sodan aigan (1950−1953) lidn oli Korejan pordaigaližeks pälidnaks.
Pusan šingotase järedal meriportal, avtotegimel. Korejan biržan päfater om neciš lidnas (KOSPI-indeks).
Lidn sijadase Korejan sal'men randal, 30 m ü.m.t. keskmäižel korktusel. Mäged erigoittas lidnrajonid jogialangištoidenke.
Klimat om subtropine neps. Voden keskmäine lämuz om +15 C°, kaikiš lujemb pakaine oleli −14 C°. Paneb sadegid 1577 mm vodes, vähemba kül'mkus-uhokus (35..50 mm kus).
Pusan jagase 15 administrativižeks rajonaks (-ku, -gu), ned alajasoiš 209 fartalaks, i üks' Kidžan-makund (-gun) mülüb lidnha.
Vl 2014 lidnan eläjiden lugu oli 3 557 716 ristitud 765,94 km² pindal. Vl 2020 kaik 7 mln ristituid elihe lidnaglomeracijas.
Pusan Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Pusan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.