Koivisto Mauno

25. kül'mku 1923, Turku, Suomenma — kol. 12. semendku 2017, Hel'sinki, Suomenma) oli politikanmez', kudamb radoi 12 vot Suomenman ühesanden prezidentan (27.01.1982.—01.03.1994.). Edel sidä oli ranu Suomenman päministran kaks' pordod (1968−1970, 1979−1982).

Koivisto Mauno
suom.: Mauno Koivisto
Mauno Koivisto vl 1967
nimi sündundan jäl'ghe:	suom.: Mauno Henrik Koivisto
radmižen toižend:	politikanmez', majandusteadlane, bank manager
sündundan dat:
sündundan sijaduz:	Turku, Suomenma[2][1]
valdkund:	Suomenma
kolendan dat:
kolendan sijaduz:	Meilahti haigla[d], Hel'sinki[7][6]
avtograf:
Koivisto Mauno VikiAitas

Koivisto oli ezmäine sündnu ripmatomaha Suomenmaha prezident i ezmäine socialine demokrat sil radsijal. Hänen edelkävui prezidentaks oli Urho Kekkonen, jäl'ghetulii — Martti Ahtisaari.

Mauno Henrik oli sündnu verfin radnikan kanzha kahteks poigaks. Sai keskopendust ehtškolas. Tal'vsodan aigan radoi lämoipalonvastaižes palakundas, Suren sodan aigan služi armijas, sai kapralan arvod siš. Vspäi 1945 mez' radoi punsauvojan, dokeran, radnikoiči portan radoiden ohjanduzkundas, oli rahvahaližen školan opendajan, oti Turkun municipalitetan inspektoran radnikust.

Valdkundmez' oli Suomenman socialiž-demokratižen partijan ühtnijan vspäi 1947. Vll 1949−1953 openui Turkun universitetas, i vl 1956 sai filosofijan tedodoktoran arvod sociologijas. Vll 1958−1982 ühtni bankoiden ohjanduzkundha, oli Počtan bankan pädirektoran i sen ohjanduzkundan ezimehen. Oti Suomenman finansiden ministran radnikust vll 1966−1967 i 1972.

Maunon prezidentan radon aigan Suomenma eli krizisas läbi, hänele tuli päzutada valdkundad sišpäi. Vl 1990 zavodi inkeriläižiden repatriacijan Suomenmaha processad. Pagiži venän kelel.

Mez' oli naižiš vspäi 1952, Tellervo Koivisto (neiččel Kankaanranta, sünd. 1929) oli hänen ak. Sündutihe da kazvatihe Assi-tütärt (sünd. 1957) naimiželos.