Kankaanpää (mugažo suomen i ročin kelil) om Suomenman lidn da lidnankund valdkundan suvipäivlaskmas.
Mülüb Sadakund-agjaha, sen nellänz' lidnankund seičemespäi eläjiden lugun mödhe.
Lidnanznam | |
Valdkund | Suomenma |
Eläjiden lugu (2020-01-01) | 11,272 ristitud |
Pind | 704,74 km² |
Pämez' | Mika Hatanpää (keväz'ku 2016—) |
Telefonkod | +358- |
Aigvö | tal'vel UTC+2, kezal UTC+3 |
Municipalitetan aluz om pandud vl 1865. Kätihe sidä lidnanvuiččeks (suom.: kauppala) vl 1967, anttihe lidnan statusad (kaupunki) vl 1972. Honkajoki-municipalitet linneb ühtištadud lidnankundanke vl 2021.
Kankaanpää šingotase terazvanundtegimel («Ruukki», lehtesed polimerkrepindanke) i professionaližen opendusen keskuseks: torguindan škol, politehnine škol, artillerijan sodaškol. Sodamehiden sijaduz i harjoituzbaz oma lähižes Niinisalo-küläs.
Lidn sijadase agjan pohjoižpäivnouzmas. Ruokojärvi om lidnan suves (läz 1 km²). Karvianjogi (suom.: Karvianjoki 110 km pitte, lankteb Botnižhe lahthe) läbitab kundad. Matkad agjan Pori-keskushesai om 48 km suvipäivlaskmha orhal vai 52 km avtotedme, Hel'sinkihesai om 225 km suvipäivnouzmha orhal vai 271 km avtotedme. Lähembaižed lidnad (avtoteidme) oma Parkano (Pirkanma) 42 km pohjoižpäivnouzmha i Ikaalinen (Pirkanma) 47 km päivnouzmha.
Vl 2020 lidnan ühthine pind — 704,74 km², sidä kesken kuivma 689,63 km², vezi da sokaz tahond ottas 15,11 km².
Vl 1980 eläjiden lugu oli 13 516 ristitud, vl 2010 — 12 135 ristitud. Kaikiš suremb ristitišt oli 13 652 eläjad vl 1985. Ristituiden seičeme kümnendest elädas lidnankundan keskuses.
Mamankelen mödhe (2016): suomen kel' — 97,4%, ročin kel' — 0,1%, toižed keled — 2,5%.
Paavo Karttunen radoi lidnan edeližen pämehen (2003−2016).
Kankaanpää Vikiaitas |
This article uses material from the Wikipedia Vepsän article Kankaanpää, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.