El'basan
El'basan (alb.: Elbasani , Elbasan ) om lidn Albanijan keskuzpalan keskuses.
Se om valdkundan koumanz' lidn eläjiden lugun mödhe, El'basanan agjan administrativine keskuz.
Lidnanznam | |
| Valdkund | Albanii |
| Eläjiden lugu (2011) | 78,703 ristitud |
 | |
| Pämez' | Gledian Llatja (eloku 2019—) |
| Telefonkod | +355-(0)54 |
| Aigvö | tal'vel UTC+1, kezal UTC+2 |
Istorii
Amuižgrekine Skamp-kolonii (amuižgrek.: Σκαμπίς Skampis) oli lidnan sijas, sid' rimalaine Mansio Skampa-lager' (latin.: Mansio Scampa). Nügüdläine eländpunkt om sätud 15. voz'sadal kuti lidnuz (om kaičenus tähäsai), letihe vl 1466 turkan Mehmed II-sultanan ohjandusen aigan, hän nimiti lidnad El'basanaks. El'basan-raudtestancii radab vspäi 1950.
El'basan šingotase raudan metallurgijal (ferrohromühthesuladused) i metalloiden ümbriradmižel kommunistižen režiman aigaspäi, territorii alištui jügedan tegimišton redustoitandale. Pästtas tabaktegesid i alkogoližid jomid lidnankundas.
Geografijan andmused
Lidn sijadase agjan keskuzpalan lodehes, Škumbini-jogen oiktal randal (alb.: Shkumbini 181 km pitte, lankteb Adriatižhe merhe), 118 m ü.m.t. keskmäižel korktusel. Matkad Tiran-pälidnhasai om 54 km lodeheze, avtol vai raudtedme.
Klimat om Keskmeren. Voden keskmäine lämuz om +14,7 C°, kezakun-sügüz'kun +21..+24 C°, tal'vkun-uhokun +6..+7 C°. Paneb sadegid 1066 mm vodes, vähemba heinkus-elokus (34..38 mm kus), enamba kül'mkus-vilukus (124..148 mm kus).
Eläjad
Vn 2011 Albanijan rahvahanlugemižen mödhe lidnfartaliden eläjiden lugu oli 78 703 ristitud, kaiken municipalitetan — 141 714 ristitud 872 km² pindal, agjan pol'.
El'basanan universitet Aleksandr Džuvanin nimed (alb.: Universiteti i Elbasanit "Aleksandër Xhuvani", kahesa tuhad üläopenikoid) radab lidnas vspäi 1991, om sätud pedagogižen institutan alusel. Kaik kuz' fakul'tetad, medkolledž, Albanijan da Balkanan tedoiduzkeskuz mülüdas universitetha.
Homaičendad
Irdkosketused
| El'basan Vikiaitas |
This article uses material from the Wikipedia Vepsän article El'basan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.