Berlington (angl.: Burlington ) om AÜV:oiden lidn Vermont-štatan lodehes.
Se om štatan kaikiš suremb lidn eläjiden lugun mödhe (i kaikiš penemb mugoine AÜV:oiš), Čittenden-ümbrikon keskuz.
Lidnanznam | Flag |
Valdkund | Amerikan Ühtenzoittud Valdkundad |
Eläjiden lugu (2020) | 44,743 ristitud |
Pind | 40,1 km² |
Pämez' | Miro Veinberger (sulaku 2012—, Miro Weinberger) |
Telefonkod | +1−802 |
Aigvö | tal'vel UTC−5, kezal UTC−4 |
Eländpunktan aluz om pandud vl 1785, nimitihe ezmäižen Berling-kanzan-sirdnikan mödhe. Šingotihe laivansauvomižel i mecpilindal.
Vermontan universitet radab lidnas vspäi 1791.
Lidn sijadase Šamplein-järven päivnouzmaižel randal (Ph. Lavrentijan jogen oigedpol'ne bassein), 61 m ü.m.t. keskmäižel korktusel. Vihandad mäged seištas päivnouzmha lidnaspäi, ned oma Appalači-mägisisteman palaks. Matkad Kanadan röunhasai om 72 km pohjoižhe orhal.
Klimat om ven kontinentaline neps. Voden keskmäine lämuz om +8,7 C°, kezakun-elokun +20..+22 C°, tal'vkun-uhokun −2..−6 C°. Ekstremumad oma −34 C° i +38 C°. Paneb sadegid 953 mm vodes, enamba kezakus-heinkus (103..108 mm kus), vähemba vilukus-keväz'kus (45..57 mm kus). Voib panda halad päiči kezakus-elokus.
Vn 2010 AÜV:oiden rahvahanlugemižen mödhe lidnan eläjiden lugu oli 42 417 ristitud. Kaikiš suremb ristitišt om nügüd'.
Rahvahidenkeskeine soda- da civiline Berlington-lendimport (BTV / KBTV) sijadase kudes kilometras päivnouzmha azjaližes keskusespäi, lähižes Saut Berlington-lidnas. Tehtas reisid AÜV:oiden suridme lidnoidme. Passažiroiden kaks' videndest oma Kanadan Kvebek-provincijaspäi.
Berlington (Vermont) Vikiaitas |
This article uses material from the Wikipedia Vepsän article Berlington (Vermont), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.