Bel'mopan
Bel'mopan (angl.: Belmopan) om ripmatoman Belizan pälidn vspäi 1981.
Mülüb Kajo-ümbrikho.
Flag | |
| Valdkund | Beliz |
| Eläjiden lugu (2016) | 20,621 ristitud |
| Pind | 32,78 km² |
 | |
| Pämez' | Halid Belisle (keväz'ku 2015—) |
| Telefonkod | +501−8 |
| Aigvö | UTC−6 |
Istorii
Eländpunktan aluz om pandud vl 1970 kuti merentagaižen territorijan uz' pälidn, sikš miše vanh pälidn alištub torokoile i üks' mugoine Hetti-torok pani sidä mantazole vl 1961. Valitihe tarhad 82 km päivlaskmha Belizaspäi, 76 m ü.m.t. keskmäižel korktusel. Nimitihe ut pälidnad Beliz-jogen i sen Mopan-ližajogen mödhe, hot' Mopan lankteb Belizha ülezjogen Bel'mopanaspäi.
Valdkundan parlament i administracii, Latinižen Amerikan sur'oigendusiden i konsulusiden sauvused sijadasoiš Bel'mopanas. AÜV:oiden sur'oigenduzkund om sirttud udhe pälidnha vl 2006, no toižiden verhiden maiden konsulusiden enambuz sijadase vanhas Beliz-pälidnas.
Geografijan andmused
Uz' pälidn sijadase Beliz-jogen oiktal randal. «Päivlaskmaine»-avtote ühtenzoitab valdkundan kaikiš suridenke Beliz- i San Ignasio-lidnoidenke.
Klimat om tropine neps mussonine, lühüdanke kuivsezonanke uhokus-sulakus (41..55 mm kus). Päiväline keskmäine lämuz om +23..+28 C° vodes läbi, enamba semendkus (+28,1 C°). Paneb sadegid 1944 mm vodes, enamba kezakus-redukus (220..280 mm kus).
Eläjad da ižanduz
Vl 2009 eläjiden lugu oli 13 000 ristitud.
Äjad eläjišpäi ratas valdkundan aluzkundoiš. Belizan universitetan (angl. University of Belize) päkampus om saudud Bel'mopanha. Ei ole tegimišton edheotandoid, no industrialine puišt om sauvomas i kävutadas lidnad logistižeks keskuseks (angarad da varažomad).
Homaičendad
Irdkosketused
- Lidnan tobmuden oficialine sait (belmopancitycouncil.org). (angl.)
- Lidnan informaciž-turistine sait (belmopanonline.com). (angl.)
| Bel'mopan Vikiaitas |
| Pohjoižamerikan pälidnad | ||
| Baster | Bel'mopan | Bridžtaun | Gvatemal-lidn | Havan | Kastri | Kingstaun | Kingston | Managua | Mehiko | Nassau | Ottav | Panam-lidn | Port-o-Prens | Port of Spein | | Rozo | San Hose | San Sal'vador | Santo Domingo | Sent Džons | Sent Džordžes | Tegusigal'p | Vašington | ||
This article uses material from the Wikipedia Vepsän article Bel'mopan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.