Fruta Noza

 

Ła parte zeneralmente ritegnesta comestìbiłe ła ze ła samesa contegnesta inte ła drupa, coerta da on endocarpo legnozo.

Le do spece de noza da fruta pì comuni łe ze ła Juglans regia e la Juglans nigra. La prima ła ga prinsìpio da ła persia, ła segonda invese ła riva dal Nord de ła Mèrica.

Racuante cultivar de noza łe ze stae comersałizae, cuazi tute łe ze ibridasion de ła Juglans regia.

Altre spece łe ciapa drento ła J. californica (variante californiana de ła J. nigra), ła J. cinerea e ła J. major (difondesta prinsipalmente in Arizona).

Inte el 2014, la produsion mondiale de noze ła ze stada de 3,354 milioni de tonełae, co ła Cina primo produtor (46%). Altri majori produtori i ze, inte el órdene: Stati Unii de ła Amèrica (15%), Iran (12%), Turchia (5%), Mèsego (3,8%) e Ucràina (3%).

La mèdia mondiałe de rendimento de łe culture da noza inte el 2014 ła ze stada de sirca 3,17 tonełae par ètaro. El mejo rendimento el se ga inte i stati de ła Eoropa orientałe, co Slovenia e Romania che łe produze so łe 19 tonełae par ètaro.

I Stati Unii i ze el mejo stato esportator de noze, seguio da ła Turchia. El 99% de łe noze che łe riva dai Stati Unii el njien produzesto inte ła Central Valley californiana.

Paesi produtori de noze (2014) Pozision Stato Produsion (milioni de tonełae) 1   Cina 1,535 2   Stati Unii de l'Amèrica 0,518 3   Iran 0,403 4   Turchia 0,181 5   Mèsego 0,126 — Mondo 3,354

Stati produtori de noze (mèdia ànua de ła ventena 1995-2014) Pozision Stato Produsion (milioni de tonełae) 1   Cina 0,718 2   Stati Unii de l'Amèrica 0,326 3   Iran 0,220 4   Turchia 0,147 5   Ucràina 0,078 — Mondo 1,958

•   Wiki Commons el detien imàjini o altri file so noza

• noceTreccani.it – Enciclopedie on line, Istituto de ła Ençiclopedia Italiana.  
• Fabrizio Cortesi, NOCE, in Ençiclopedia Italiana, Istituto de ła Ençiclopedia Italiana, 1934.  
• (EN, FR) NozaEnçiclopedia canadese.