Juglans Regia
Ła nogara o nogher o noxara (nome sientifico Juglans regia) ła xe na pianta de ła fameja de łe Juglandaceae, originaria de l'Asia centrałe e ocidentałe, dei Balcani e del Mediteraneo orientałe (in todesco Walnuss, in inglexe walnut, in tałjan noce).
A dita de Plinio el Vecio inte ła só opera Naturalis historia, ła xe sta portà in Eoropa dai Greci intrà el setimo e el quinto secoło vanti Cristo.
  | |
| Dati | |
|---|---|
| Fonte de | noza, English walnut wood (en)  , Noce foglia (it) e olio di noci (it) |
| Stato de conservasion | |
| Tasonomia | |
| Superregno | Eukaryota |
| Rènjo | Plantae |
| Órdene | Fagales |
| Fameja | Juglandaceae |
| Zènare | Juglans |
| Spece | Juglans regia L., 1753 |
| Distribusion | |
 | |
Ła riva a esar alta anca 30 metri, ła pol viver fin a 160 ani e ła crese fin ai 1200 metri de quota. Ła scorsa ła xe lisia e grixa da xovane, nero-grixa co crepe fonde da vecia; łe foje, longhe 30 cm, łe ga un pecol da dove ke se staca 5 o 7 fojete ełitiche, longhe ciaskeduna dai sie ai dodexe çentimetri. I fioreti załi i vien fora intrà apriłe e zugno, ingrumà in bigołeti quełi maschiłi, ugnołi quełi feminiłi. I fruti (łe noxe) i ga na scorsa tènara verde fora e una dura drento; i se tira xó intrà setenbre e otobre.
Legno
Ła nogara, a parte ke par i fruti, ła ga inportansa anca pal legno, pregiato par far mobiłi e pavimenti (Parquet).
Fruto
La noghera la fa an fruto sferico del diametro de circa 5 cm. La scorsa e la polpa insieme le ciapa al nome de malut e le costituiss an strato de circa 1 cm. Al malut al ze vert durante al acressiment, ma a la madurasion de la semensa al gnen negroe mars, e al se sbrega e al se destaca. Al ze pien de sostanse coloranti che le macia le man e i vestì. La semensa la se ciama noss e la ze costituida da na protesion legnosa spessa qualche melimetro, e dal ghito. Al ghito al ze rugoss e al ze dividest in 2 cotiledoni, ogni un ramificà a so olta ten do part. Al ze quatà da na pelesina fina ma dal gusto ligadis e picante. La noghera la gnen coltivada apunto par le noss, de le quale al ghito al gnen doperà par magnar, par far dolci e anca par far ojo. Al ghito, se al ze sech, se el magna insieme de la so pelesina (che no se ghe donde de destacarla) e al ga an gusto vagamente dols e picante. Se invese se magna la noss pena cheta do da la noghera, cognen destacarghe la pelesina dal ghito, senò la insende massa.
Wiki Commons el detien imàjini o altri file so Nogher
Wikispecies el detien informasion so Nogher
| Controło de autorità | LCCN (EN) sh85144971 · GND (DE) 4189026-7 |
|---|
This article uses material from the Wikipedia Vèneto article Juglans regia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.