El Ejito o Ezito, ufisialmente Republika Araba d'Ejito el xe un Stat del Nord Afrika.
L’Ejito el konprende anka la penìzoła del Sinai, ke xe parte de l’Axia sudosidental.
El konfina ko la Libia a ovest, ko el Sudan a sud e ko Israele a nordest.
El nome moderno de l’Ejito in arabo xe Misr, nome de origine semitika.
I antichi ejiziani camaa la loro tera Kemet, ke volea dir tera nera, in riferimento al limo ke el fiume Nilo depositava su le sponde al tempo de le piene.
Par savèrghene de pì, vardarse ła voxe Zeografia de l'Egito. |
Ge montagne inte el sud e ne la penìzoła del Sinai a nordest.
El xe bagnà dal Mar Mediteraneo a nord e dal Mar Roso a est.
A nordest el kanal artifisial de Suez mete in komunicasion i do mari.
Kuasi tuto l’Ejito xe parte del deserto del Sahara.
Ecesion xe la fasa de tera longo el Nilo e la kosta rente del delta.
Par savèrghene de pì, vardarse ła voxe Storia de l'Egito. |
I primi abitanti de l’Ejito i sa stabilio longo el fiume Nilo e i vivea de peska e agrikoltura.
Verso el 4000 a.K., la zente ga skominsiá a radunarse in unitá ke faxea kao a le citá.
Lo Stato se ga unifiká soto la diresion de Narmer, el primo re, inte el 3200.
Inte el IV secolo a.K. i persiani ga konkuistá l’Ejito; dopo i persiani xe rivá Alesandro de Macedonia ke ga dato el poder a i so sucesori, la dinastia de i Tolomei.
Inte el I secolo a.K. Julio Cesare ga conkuistá el paexe ke l’è restà roman par skuaxi sete sekoli.
Inte el VII secolo d.K. i arabi ga konkuistà el Ejito e skominziá la loro avanzata verso l’Europa.
En man araba, l’Ejito xe pasá da un kalifato a l’altro par sirka sinkue sekoli.
Inte el XII sekolo i Mameluki i a tolto el poder.
En tel 1517 i Otomani ga zontá l’Ejito al loro impero ke parò ga lasá i Mameluki kome feudatari.
Inte el lulio 1798, i francexi ga invaso l’Ejito kon 40 000 omeni soto la guida de Napoleone Bonaparte. L’okupasion durò solo do ani.
Soldai inglexi e turki ga rikonkuistá el paexe inte el 1800.
Mehmet Ali Pashá xe diventá vice-re e ga dato vita a na dinastia autonoma, anca se ofisialmente soto l’impero Otoman.
En tel 1881, francexi e inglexi, par protezar i investimenti eoropei, ga obligá el khedive (re) a tor i loro esperti de finanza e laori publici. On pò a la olta, i inglexi ga tolto el poder al re e ga skominziá a governar par konto lori.
Inte el 1922 l’Ejito ga vu l’indipendenza, anka se i militari inglexi kontinuaa a kontrolar el paexe.
En tel 1952, el general Muhammad Neghib e el kolonel Gamal Abd al Nasser fasea on kolpo de Stato, proklamaa la republika e parava fora i inglexi da le basi ke i gavea longo el kanal de Suez.
Nasser xe stá eleto presidente inte el 1956 e ga subito dovuo afrontar la krisi del kanal de Suez. Francexi e inglexi, e poi anka i israeliani, ga okupá el kanal e el Sinai. Rusia e Amèrika sa meso in mezo e i okupanti ga dovuo lasar l’Ejito.
Inte el 1967 ge stá la guera de i sei dì kontro Israele, ge sará altre do guere kontro Israele, tute finie ko la skonfita de i paexi arabi. Nasser el more el 28 setembre 1970.
El vice presidente Anwar el Sadat ciapa el so posto fin a la so morte inte el 1981.
El sucesor xe stá Osni Mubarak.
El Ejito el xe divixo in 29 governadorai (in arabo muhāfaza).
N° | Nome | Area (km²) | Popolasion (2006) | Cavologo |
---|---|---|---|---|
1 | Alessandria | 2679 | 4110015 | Alessandria |
2 | Aswan | 679 | 1184432 | Assuan |
3 | Asyut | 25926 | 3441597 | Asyut |
4 | Buhayra | 10130 | 4737129 | Damanhur |
5 | Beni Suef | 1322 | 2290527 | Beni Suef |
6 | Il Cairo | 214 | 24786640 | El Cairo |
7 | Daqahliyya | 3471 | 4985187 | Mansura |
8 | Damietta | 589 | 1092316 | Damietta |
9 | Fayyum | 1827 | 2512792 | Faiyum |
10 | Gharbiyya | 1942 | 4010298 | Tanta |
11 | Giza | 85153 | 6272571 | Giza |
12 | Ismailia | 1442 | 942832 | Ismailia |
13 | Kafr el-Sheykh | 3437 | 2618111 | Kafr el-Sheikh |
14 | Matruh | 212112 | 322341 | Marsa Matruh |
15 | Minya | 32279 | 4179309 | Minya |
16 | Manufiyya | 1532 | 3270404 | Shibin El Kom |
17 | Wadi al-Jadid | 376505 | 187256 | Kharga |
18 | Sinai del Nord | 27574 | 339752 | Arish |
19 | Port Sa?id | 72 | 570768 | Port Said |
20 | Qalyubiyya | 1001 | 4237003 | Banha |
21 | Qena | 1851 | 3001494 | Qena |
22 | Mar Rosso | 203685 | 288233 | Hurghada |
23 | Sharqiyya | 4180 | 5340058 | Zagazig |
24 | Sohag | 1547 | 3746377 | Sohag |
25 | Sinai del Sud | 33140 | 149335 | el-Tor |
26 | Suez | 17840 | 510935 | Suez |
27 | Luxor | 55 | 451318 | Luxor |
La kavedal xe el Kairo.
La popolasion vive longo el fiume Nilo, kon poka zente ke vive inte le oasi inte el deserto.
La majoria de la popolasion (98%) xe ejisiana.
La jente parla arabo ma el francexe xe usá da la minoranza kristiana e da i inteletuali.
I musulmani xe el 88%, i kristiani el 11%, e ge altre minoranze. I kristiani xe in majoria kopti.
L’ekonomia xe prevalentemente agrikola. El kampo agrikolo okupa el 32% de la popolasion.
El paexe xe autonomo par el petrolio.
Inte la industria i setori kimiko e siderurgiko xe in kresita.
Anka el turismo el stá diventando sempre pi importante par el paexe.
La cexa lokale kopta la kata le so orijini ne la predikasion de San Marko.
La tradision vol ke dopo esar andá ne le ìzołe ke diventará Venexia, el santo evanjelista xe andá in Ejito e ga fondá la cexa kopta.
Controło de autorità | VIAF (EN) 130890862 · ISNI (EN) 0000 0001 2259 2789 · LCCN (EN) n80061791 · GND (DE) 4000556-2 · BNF (FR) cb11863530z (data) · BNE (ES) XX450764 (data) · NLA (EN) 35058797 · NDL (EN, JA) 00562068 · WorldCat Identities (EN) n80-061791 |
---|
This article uses material from the Wikipedia Vèneto article Ezito, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.