El castagnaro (o castagnèr o castagnèro; nome sientifego Castanea sativa), de ła fameja de łe Fagaceae (todesco: Kastanie, inglexe: chestnut, sloveno: kôstan, tałjan: castagno) el xe na pianta alta 10—30 metri, co scavejara de rami tonda, na scorsa lisia, lucida, grixa - maron.
Łe foje łe ga forma de punta de lancia, coi orli a denti de sega e łe xe longhe 20–22 cm e larghe 10 cm.
Dati | |
---|---|
Fonte de | European chestnut wood (en) , castagna (it) e sweet chestnut leaf (en) |
Stato de conservasion | |
Tasonomia | |
Superregno | Eukaryota |
Rènjo | Plantae |
Órdene | Fagales |
Fameja | Fagaceae |
Zènare | Castanea |
Spece | Castanea sativa (Mill., 1768) |
Nomenclatura | |
Sinònemi | |
Distribusion | |
I fiori, verde ciari - bianchi, i par grosi bigołi longhi 5–15 cm e vien ciamà amenti. El fruto, ła castagna, dita maron quando ke ła xe beła grosa e dolse, xe drento na prima scorsa piena de spine, el ricio; soto ghe xe ła scorsa vera, maron, lucida, ke par corame. Ła polpa drento xe bianca - xała.
El castagnaro se trova dal Portogało ała Francia ał'Italia, dał'Inghiltera ała Germania, ała Slovenia ała Croazia, al Montenegro, ał'Albania, Macedonia, Grecia, Bulgaria, Romania, Turchia e drio ła costa nord del Mar Nero, fin al Caucaso, ma ghe xe castagni anca in Maroco, sui monti deł'Atlante.
El legno de castagnaro xe duro e rexistente ał'umido e par questo el vien doparà dal carpenter, dal marangon e dał'ebanista.
Łe castagne vien doparà par far farina de castagne, ma łe vien anca cote o roste e magna cusì. Naltro modo de magnar na castagna xe ła stracaganasa, o el mandrigolo.
Controło de autorità | GND (DE) 4151034-3 |
---|
This article uses material from the Wikipedia Vèneto article Castanea sativa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.