Birlashgan Millatlar Tashkiloti Pasporti

UNLP BMT va XMT xodimlariga, shuningdek boshqa tashkilotlar: JSST, MAGATE, Jahon banki, Xalqaro valyuta jamgʻarmasi, Kimyoviy qurollarni taqiqlash tashkiloti, Jahon savdo tashkiloti, Jahon sayyohlik tashkiloti xodimlariga beriladi. Pasport ingliz va fransuz tillarida yozilgan.

Birlashgan Millatlar Tashkiloti pasporti inglizcha: United Nations laissez-passer fransuzcha: Laissez-passer de l’ONU
Mashinada oʻqiladigan yozuv bilan koʻk BMT pasportining muqovasi.
Turi	pasport (lasse-passe)
Kim tomonidan berilgan	BMT va XMT
Maqsad	shaxsni tasdiqlash
Muvofiqligi	BMT va boshqa baʼzi xalqaro tashkilotlar rasmiylari

Birlashgan Millatlar Tashkiloti diplomatik pasporti inglizcha: United Nations diplomatic laissez-passer fransuzcha: Laissez-passer de l’ONU diplomatique
Mashinada oʻqiladigan yozuv bilan qizil BMT pasportining muqovasi.
Turi	diplomatik pasport (lasse-passe)
Kim tomonidan berilgan	BMT
Maqsad	shaxsni tasdiqlash
Muvofiqligi	BMTning diplomatik xodimlari va boshqa baʼzi xalqaro tashkilotlar direktorlari (D-2 va undan yuqori darajali)

UNLP shaxsiy guvohnoma sifatida (milliy pasport kabi) ishlatilishi mumkin, lekin faqat Birlashgan Millatlar Tashkilotining rasmiy missiyalarida. Ayrim davlatning pasporti kabi, baʼzi mamlakatlarda BMT pasportiga ega boʻlinsa, viza olinishi shart emas, ammo baʼzi davlatlar (masalan, Turkmaniston, Keniya, Buyuk Britaniya, Irlandiya, Germaniya, Lyuksemburg, Livan va boshqalar)da u tezkor soʻrov boʻyicha ega boʻlish mumkin.

Xalqaro tashkilotlarning aksariyat xodimlari huquqiy maqomi boʻyicha xizmat pasportiga oʻxshash koʻk rangli UNLP (D-1 darajasiga qadar) ga ega. Yuqori mansabdor shaxslar qizil UNLP (D-2 va undan yuqori daraja)ga ega va ularning maqomiga qarab, ular maʼlum imtiyozlarga ega boʻlishi mumkin, shuning uchun qizil UNLP (huquqiy maqomda) diplomatik pasportga oʻxshaydi.

Asosiy sahifada egasi haqidagi grafik maʼlumotlar va mashinada oʻqiladigan yozuv mavjud. Pasportda quyidagilar mavjud:

• Surat
• Hujjat turi
• Hujjat raqami
• Familiya
• Ism
• Kasb-hunar
• Tugʻilgan sana
• Jinsi
• Berilgan sana
• Muddati
• Kim tomondan berigan (bergan shahar kodi, masalan, Jeneva uchun GVA)
• Imzo (qarama-qarshi sahifa)

2012 yildan boshlab, ICAO tomonidan oʻrnatilgan xalqaro standartlarga toʻliq javob beradigan elektron UNLPlar chiqarildi. Ular egasi haqidagi biometrik maʼlumotlarni oʻz ichiga oladi. Barcha elektron UNLPlar besh yil muddatga va xodim shartnomasining amal qilish muddatidan qatʼi nazar, beriladi. E-UNLPning amal qilish muddati viza haqida qoʻshimcha maʼlumotni oʻz ichiga olmaydi va uzaytirilishi mumkin emas.